Vawiin khan DC Conference Hall, Mamit-ah Dr. Lalrozama, IAS Deputy Commissioner Mamit, Chairman, District Task Force on Immunization (DTFI) ni bawk hovin kan hmalawka Intensied Pulse Polio Immunization (zenghri danna) beihpuithlak tur chungchangah leh IMI 2.0 1st Round leh 2nd Round thlirletna neia thutkhawm a ni.

Vawiin thutkhawmah hian Dr. Lalrozama, IAS chuan Health Department-te thawhrimna leh hmalakna avangin kan District chhunga Health Sector-ah nasa taka hmasawnna hmuh tur awm chu lawmawm a tih thu a sawi a. Nasa lehzuala tan la tura fuihin duhsakna a hlan nghal bawk a ni.

Meeting-ah hian kumin January Ni 21 atanga ram chhunga IPPI (zenghri danna) beihpuithlak turah Mamit District-ah pawh neih tur niin hemi hun chhung hian Mamit District chhunga naupang kum 5 hnuailam 9640 vaccine pek tura ruahman a nih thu tarlan a ni a. Vaccine pekna hmun tur atan hian Vaccine Booth 120 ruahman a ni bawk. Vaccine pek avanga naupang harsatna (allergy etc) lo awm palh thulhah Vaccine petu Officials-te hian a enkawlna Adverse Event Following Immunization (AEFI) ruahman tel vek anih thu Meeting-ah hian tarlan a ni a. Hei vang hian naupang kum 5 hnuailam zawng zawngte chu Vaccine pek beihpuithlak laia Vaccine laktir vek turin DTFI chuan nu leh pate a ngen a ni.

Meeting-ah hian Intensified Mission Indradhanush 2.0 2nd Round hnuaiah Mamit District chhunga naupang kum 2 hnuailam 147 target atangin 143 Vaccine pek an ni a. Nu naupai 56 target-ah mi 56 te hnenah Vaccine hi pek an nih thu tarlan a ni bawk.

IMI 2.0 1st Round bikah hian naupang Vaccine pek hi an target khumin 101% pek a ni a. Nu naupaiah pawh an target khumin 110% pek an ni a. Hetianga an target an khum theih nachhan hi target an siam laia Mizorama awm lo, Bru Tripura atanga Mizorama lo let leh te Vaccine an pek tel vang a nih thu sawilan a ni.

Vawiin thutkhawmah hian DTFI Members-te an tel tha hle a ni.