1039/2023-2024

Mamit 5th July, 2023 : Vawiin khan DC Conference Hall, Mamit-ah Pu V. L. Remliana, District Election Officer, Mamit District Bawrhsap ni bawk hovin District Level Standing Committee on 2nd Special Summary Revision of Photo Electoral Rolls, 2023 thutkhawm a ni.

Meeting-ah hian Polling Station Building thlak danglam rawtna lut chungchang ngaihtuah ho a ni a. Zomuantlang khua te'n vote an thlakna hmun 1/37 Zomuantlang, SSA Primary School chu UPS, Zomuantlang-ah thlak niin 2/21 Pukzing Vengthar, Govt. P/S Pukzing Vengthar Polling Station chu UPS, Pukzing Vengthar-ah thlak a ni a. 2/34 Lungphun, Govt. P/S Lungphun chu Govt. M/S Lungphun-ah thlak niin 3/5 Vawngawnzo, Govt. UPS, Vawngawnzo chu Community Hall, Vawngawnzo-ah thlak a ni a. 3/23 Damparengpui - II, Govt. P/S Damparengpui chu BCM Comprehensive H/S Damparengpui-ah thlak niin 3/24 Hruaitluang, Govt. P/S Teirei Polling Station chu UPS, Hruaitluang-ah thlak a ni bawk. Polling Station thlak danglam nachhan hi mipui vote thlak turte tana pan a awlsam zawk vang leh a building-in a zir zawk vang a ni.

Vawiin meeting-ah hian Booth Level Officer leh khua leh tui nghette duh dan angin 2/6 Kawnmawi Polling Station tih chu 2/6 Chhippui Kawnmawi ti-a hming thlak a ni bawk.

Vawiin thutkhawmah hian Election Officer, EROs/AEROs, District Education Officer, DIPRO, Political Party hrang hrang aiawh, Khawtlang hruaitu leh tlawmngai pawl aiawh leh thutharthehdarhtute an tel a ni.