Nizan khan District Election Office Mamit District buatsaihin Chhim veng YMA hall, Mamit-ah Short Play Drama intihsiakna neih a ni a, Pu H.Lianzela Addl.DC, tuna DC charge la mektu chuan khuallian niin he hun hi a hmanpui.
Khuallian chuan Vote neih leh Epic Number neih ringawt duhtawk satliah mai lova mipuite chu vote thlak vek tur leh Vote tur kan hre lo a nih pawhin NOTA tal hmeh hi khua leh tuite tih tur a nih thu sawiin, kum tling chinte chu Eroll-ah inthun ngei turin a sawm bawk a ni.
M.H.James, District Election Officer pawhin thu sawiin Election chungchang mipuite'n kan ngaihpawimawh lehzual theihna tura he hun hi buatsaih an nih thu sawiin, intihsiakna a tel tur kohhran hrang hrangte chungah lawmthu a sawi bawk a ni.
He Short Play Drama intihsiakna hi khawpui chhunga kohhran thalai pawl hrang hrangte tana buatsaih niin kumtling chinte vote neih pawimawhna leh EVM chu khawih chingpen theih a nih lohzia thupui hmanga intihsiak niin, Pakhatna Mamit Branch KTP, pahnihna Dinthar Branch KTP leh Pathumna PYD (NEI) te'n an dawng a ni.
He intihsiakna hi Tv.KTC Lalrinchhana'n kaihhruaiin, SDC, Mamit, Chairman, Jt. Village Council, President, Sub Hqrs MUP bakah khawpui chhunga kohhran hrang hrang thalaite leh nu leh pate an kalkhawm a ni.
Attachment
- Loading attachment...
