Vawiin khan Pu T. Vanlalmalsawmsanga (Sadar) ERO 2- Dampa (ST) A/C Mamit chuan 2014 January ni 1 thlenga Mamit District chhunga Votes nei zat puanchhuahna (Final Publication of Electoral Roll, 2014) Addl. DC Chamber-ah a nei a, Mamit District Constituency pathum, 1- Hachhek (ST) A/C, 2- Dampa (ST) A/C leh 3- Mamit (ST) A/C a vote neih dan kimchang chu hetiang hi a ni- 1- Hachhek (ST) A/C ah thun belh zawng 733 niin paih 228 awmin thun belh zawng zawng dik tak hi 505 an ni a, Mipa 10982 leh Hmeichhia 10658 niin vote nei zawng zawng 21640 a ni, hei hi 2.56% niin Service Voters 20 a awm bawk.

2- Dampa (ST) A/C-ah thun belh 428 niin paih 144 awmin thunbelh dik tak hi 284 a ni a, Mipa 8454 leh Hmeichhia 7988 niin a vaiin votes 16442 awmin punna hi 1.88 a ni a, Services voters 47 a awm bawk.

3- Mamit (ST) A/C-ah thunbelh 675 niin paih 197 awmin thunbelh dik tak chu 478 a ni a, Mipa 10244 leh Hmeichhia 9973 awmin votes nei zawng zawng 20217 a ni a, hei hi 2.67% a ni a, Service Voters 42 a awm bawk.

Tihian Mamit District pumpuia thunbelh 1836 ah 569 paihin thunbelh dik tak hi 1267 niin votes nei mipa 29680 leh Hmeichhia 28619 awmin avaiin votes nei 58299 a ni, hei hi 2.22% a ni a, Service voters 109 a awm bawk. Votes nei zawng zawng te hi EPIC pek vek an ni bawk.

Pu T. Vanlalmalsawmsanga ERO, 2- Dampa (ST) A/C chuan a hun taka Roll felfai tak puanchhuah a ni hi thil lawmawm tak a ni tiin hei hi BLO te, Election buaipuitute, tlawmngai pawl hruaitute leh Political Party hrang hrangte thawhhona rah a ni a ti.

He Final Roll puanchhuahna hunah hian ERO te, AERO te, BLO te, thuthar thehdarhtute leh tlawmngai pawl hruaitute an tel a ni.