3710/2023-2024

Mamit 7th February, 2024 : Vawiin khan Siamliana Hall, Mamit-ah State Designated Agency for Energy Conservation, Electrical Inspectorate, P& E Department huaihawtin Mamit District chhunga Zirna In hrang hrang atanga Energy inrenchemna atana intihsiakna Energy Club, Essay Competition, Energy Club members te hnena lawmman semna neih a ni.

He hunah hian Pu R. Romawia, SE, P&E Aizawl chuan lawmman semna leh thusawina neiin Energy renchem a nih theih nana Energy Conservation Act. 2001 kaltlangin sawrkar laipui atanga hmalak a nih thu a sawi a, zirlai naupang kalkhawmte chu energy renchemna tura tha thawh tura hun tha an neih angin kawlphetha renchem nachang hre tura chahin, an theihna zawn theuha midangte hrilhhretu ni turin a chah bawk.

Er. Lalnunsanga, EE, P&E, Mamit pawhin kawlphetha kan remchem hian midangte tana malsawmna thlentu kan ni thei a, tunlaiin khua a vawt a, kawlphetha kan hmang nasa hle a, heng vang hian line inpek kimte a har hle a, mipuite pawhin kan inhriatthiam tlan a tul thu a sawi.

Vawiin-a lawmman dawngtute hi Energy Club-ah Pakhatna, Presbyterian English School, Mamit, pahnihna Upper Primary School Bawngva leh pathumna Sr. Captain Lalkaithanga Memorial English School Tuidam te niin Consolation Prize School pasarih (7) in an dawng a ni. Essay Competition-ah pakhatna- C. Lalmuanpuii cl-8 PES, Phaileng Dinthar, Pahnihna Malsawmsanga, cl - 7 PES Phaileng Dinthar, Pathumna Elizabeth Vanlalruati, cl - 7 PES Kawrthah te niin, Consolation Prize mi 10 in an dawng bawk. Energy Club Member-ah pakhatna-K. Laldinkima, cl-7 PES Kawrthah, pahnihna Malsawmtluangi Thangluah, cl - 7 PES Kawrthah, pathumna Elizabeth Zorinhlui, cl - 7 Upper Primary School Bawngva te an ni a. Consolation prize dawng mi 10 an awm bawk.

He hun hi Pu Vansangliana, Project Coordinator-in a kaihruai a, Pu Lalsangzuala Sailo, JE, P&E Aizawl pawhin thusawina a nei bawk.