3711/2023-2024

7th February, 2024 : Vawiin (ni 6.2.2024) tlai khan Ministry of Rural Development (MoRD), Govt. of India; Centre for Internal Audit in Rural Development (CIARD), NIRDPR, Hyderabad leh SIRD&PR, Mizoram buatsaih kar 3 (thum) chhung awh “Three-Week Certificate Programme on Risk Based Internal Audit of Rural Development Programmes” training SIRD&PR, Mizoram Auditorium, Durtlang Leitana neih chu a kharna neih a ni a, Pu Neeraj Kumar Sharma, ICAS, Controller of Accounts, MoRD, Govt. of India chuan Khuallian niin he training kharna hi a hmanpui.

Training kharna-ah hian Pu Neeraj Kumar Sharma chuan thu sawiin, Ministry of Rural Development (MoRD), NIRDPR leh SIRD te thawhhona tha tak avanga training pawimawh tak mai tluang taka zawh a ni chu lawmawm a tih thu sawiin, RD Scheme hrang hrang chungchanga thawktute leh mipuite rilru kal dik tawh lo leh fellote siamthatu tur an nih thu sawiin, RD Scheme-te hlawk zawk leh tangkai zawka kalpui a nih theih nan he Training-a tel zawng zawngte in pawimawh hle dawn a ni a ti a. Tluang tak leh tha taka kar 3 (thum) chhung zet mahni in leh lo chhuahsana training an neih avanga lawmthu sawiin, training chhuakte chu an thil zirte dik tak leh tangkai taka hmang turin a fuih bawk a ni.

Training kharna inkhawmah hian Dr. U Hemantha Kumar, Associate Professor & Head, CIARD, NIRDPR, Hyderabad pawhin thusawiin, langtlang leh dik taka hmasawnna hna thawh a nih theih nan CIARD, NIRDPR chuan hma a la a, chumi atana pawimawh tak pakhat chu Risk Based Internal Audit hi a nih thu a sawi a ni. Pi Ethel Rothangpuii, Director, SIRD&PR, Mizoram chuan lawmthu sawiin training kharna inkhawm hi tihtawp a ni.