Vawiin khan DC Conference Hall, Mamit-ah kumin Lok Sabha inthlan atana Mamit District chhunga sum senso endik tura Election Commission of India-in a ruat Pu Lallien Songate, IRS hovin District Election Expenditure Monitoring Team-te an thukhawm.

Meeting-ah hian District Expenditure Observer chuan inthlanna fel leh thianghlim a awm theih nan Expenditure Monitoring Team-te chu an mawhphurhna theuh hlenchhuak turin a chah a. Lok Sabha inthlan senso-ah Candidate tinte chu cheng Nuai 70 thleng hman phalsak an nih thu sawiin sum che vel ven uluk a tul thu a sawi a. Inthlan vuakveta sum leh pai senso chelek kawngah ECI-in ngun taka a vil reng thu sawiin inthurual leh thahnemngai taka thawk a, a tul anga khawtual mite thawhhopui thiam tur leh harsatna leh  hriatthiam loh neite pawhin hotute zawt hreh lo turin a chah nghal bawk.

Vawiin Meeting-ah hian Expenditure Monitoring Team hrang hrangte pawhin Report pein sawihona hun tha tak hman a ni.

Meeting-ah hian District Election Officer/ Mamit District Bawrhsap ni bawk, Expenditure Nodal Officer bakah Expenditure Monitoring Team-te an tel tha hle a ni.