2082/2024-2025

Dated: Mamit the 17th of September, 2024 : Tukin khan Mamit Bazar vengah Faina beihpui thlakna tur Swachhata Hi Seva Campaign - 2024 hawnna hun hman niin Pu Jacob Lalawmpuia, District Bawrhsap chuan hawnna thu a sawi.

Pu Jacob Lalawmpuia chuan kalkhawmte chungah lawmthu sawiin, India ram pumpuiah India hnampa Mahatma Gandhi piancham pha phak puala faina beihpui thlakna Swachh Bharat Diwas kaltlangin hmalakna kalpui a ni a ti a. Keini Mamit District pawhin he faina beihpui thlak tur hian theihtawp chhuaha hmalak a ni dawn a, chumi atan chuan a thawktu department, khawtlang hruaitu, zirlaite leh mitinte kan inbuatsaih a tul a, tan kan lakthar a ngai a ni a ti. Bawrhsap chuan tun hmain faina kawngah hmingthatna pawh Mamit district chuan kan lo nei tawh a, tha thlah lova keimahni zawn theuha tran la thar turin a sawm a ni. Changkannain a ken tel faina beihpui thlak hmang tangkaitu ni theuh turin District mipuite a chah a ni.

He hunah hian faina thutiam chhamrualna Pu Malsawmzuala, Addl DC kaihruaina-in neih a ni a, Pi Laltharzeli, National Awardee kaihruainain Mamit Bazar veng a tanga Mamit Charkawn thleng faina kawng zawh neih zui a ni bawk.

Swachhata Hi Seva Campaign - 2024 hawnna hi Pu Malcolm Lalhmingliana, Sr. SDO, PHED chuan a kaihruai a, Pi Mary L. Rodinpuii, DUDO chuan faina beihpui thlakna tura report hrang hrangte pein ,Saifa mitra workers (Sanitation Workers) te hnenah an hnathawhna a an mamawh tur semna hun neih a ni bawk. He hunah hian Sawrkar Department aiawh, khawtlang hruaitu, zirlai naupangte an tel a ni.