No.5684/2020-2021

Mamit 2nd October, 2020 : Vawiin khan Mamit DC Office Complex- ah Faina Hapta hawnna hun hman a ni a, Mamit District Bawrhsap, Dr. Lalrozama, IAS chuan khuallian niin he hun hi a hawng.

Dr. Lalrozama chuan Faina chungchanga thuchah sawiin Mamit hi changkang tura kan duh chuan thianghlimna atanga tan nise, thianghlimna leh changkanna hi a kalkawp tlat a, Faina leh thianghlimna hi veng tinah hian kalpui nise, keimahni leh kan thenawmte nen thianghlimna rualkhai tak nei theuh turin mipuite a chah a. Lawmman lak tum ngawr ngawr avanga intifai tur emaw intithianghlim tur kan nilo a, thianghlimna hi kan mawhphurhna theuh a ni tih hriain kumtluana fai tum reng turin mipuite thu a chah bawk a ni.

CMO, Mamit atangin Covid - 19 chungchang hriat tur hrang hrang, kan taksa-a a luhdan leh nghawng a neih dan chungchangte sawi niin Covid -19 veite chu mahni inah, room leh inthiarna hranpa nei thei leh bialtu Medical Officer te phalnain a in-Isolate theih thute leh Mamit-a DCHC- ah pakhat chauh enkawl ngai khawpa Covid Symptoms nei kan neih hnuah dam taka chhuah anih tawh thute leh lawmawm a tih thute sawiin Covid-19 laka kan him theih nan kan inven theihna kawng hrang hrang leh kan kai theih dante a sawi bawk a ni.

Vawiin 2nd October, 2020 hi India hnam pa Mahatma Gandhi piancham leh faina hapta pual hian Mamit khawpui Street Vendors leh SHG- te nen Swaachta Pledge neih niin Khuallian leh kalkhawmte'n kawtzawl phiatfaiin Cleanliness Drive neih nghal a ni bawk.

Faina Hapta hawnna hun hi Pu H. Lalthlengliana, Chhimveng chuan kaihruaiin Pu C. Sawihlira DUDO, Mamit chuan lawmthusawina leh Faina hapta kalpui dan tur chungchang report a pe bawk a ni.