Vawiin khan DC Conference Hall Mamit-ah Pu Vanlalngaihsaka, Mamit District Bawrhsap/ District Election Officer ni bawk chuan Final Electoral Roll, 2018 Mamit District a tlangzarh.

Pu Vanlalngaihsaka, District Election Officer chuan Election Commission of India duhdan anga a hun taka Final Electoral Roll peihfel a ni chu lawmawm a tih thu sawiin a buatsaihtu Election Officials-te thawhrimnaah lawmthu a sawi a. Kumin inthlan felfai tak a awm theih nana thawhpuiah Mamit District chhunga NGO hrang hrangte a sawm nghal bawk.

Final Electoral Roll 2018 tlangzarh takah hian Mamit District chhungah Vote nei mi 65067 an awm a. Mipa 33099 niin hmeichhia 31968 an ni a. A pumpuia Vote punna hi 1.41? a ni. 1 Hachhek (ST) huam chhunga Polling Station 38 awmah Vote nei mi 23615 an awm a. A punna hi 1.14? a ni. Hachhek Constituency huam chhungah hian Zamuang Polling Station chu Vote nei tamna ber niin Voters 1132 an awm a. Vote nei tlemna ber hi Sotapa niin mi 117 Vote nei an awm a ni. 2 Dampa (ST) huam chhunga Polling Station 36 awmah Vote nei mi 18229 awmin a punna hi 0.92? a ni a. 2 Dampa chhunga Vote nei tamna ber hi Saithah Polling Station niin 1016 Vote nei an awm a ni. Vote nei tlemna ber hi Zopui Polling Station niin Vote nei mi 46 an awm bawk. 3 Mamit (ST) huam chhunga Polling Station 42 awmah Vote nei mi 23223 an awm a, Vote nei punna hi 2.08? a ni a. Damparengpui II Polling Station chu Vote nei tamna ber niin Voters 1095 an awm a ni. Dilzawl Polling Station chu Vote nei tlemna ber niin Voters 161 an awm thung a ni.

Vawiin Final Electoral Roll 2018 tlangzarh tak hi Mamit khawpui chhunga Political Party hrang hrang Congress, MNF, ZPM leh BJP hnenah Pu Vanlalngaihsaka, District Election Officer chuan a Copy a hlan nghal bawk a ni.

He hunah hian Mamit District chhunga ERO, AERO, Political Party hrang hrang aiawh, tlawmngai pawl hrang hrang aiawhte bakah thuthar thehdarhtute an tel a ni.