Vawiin chhun dar 12:00(Noon) khan DC's Conference Room-ah  Siaha District Election Officer leh District Bawrhsap ni bawk Pi Harleen Kaur IAS chuan  Final Electoral Roll a tlangzarh. He Final E/Roll tlangzarhna inkhawm tawi hi Pu H.Zonunmawia, Election Officer, Siaha District  in a kaihruai a ni.

 DEO Pi Harleen-i chuan thu sawiin, Langtlang leh felfai inthlanna neih tur chuan kan Electoral Roll hi a felfai hmasa ber tur a ni.  Hetianga Final E/Roll felfai tak tlangzarh theih a ni hi ka lawm tak zeta, Final E/Roll  buatsaihna  kawnga thawktu hrang hrang BLO te, EO  leh a staff te, ERO, AERO te hnenah lawmthu ka sawi tak zet a.  Political party hrang hrang te leh Siaha District mipui ten E/Roll buatsaihna kawnga min tawiawmnaah pawh lawmthu ka sawi tak zet a ni, a ti.

Final Photo Electoral Roll te hi National leh State Recognised Party te hnenah a Hard Copy leh Soft copy pakhat theuh pek an ni a.Unrecognised party an lo awm a ni chuan copy 1 ah Rs.100/-zel chawiin  DEO hnen atangin a lak thei bawk ang, tih DEO chuan a tarlang bawk.

Vawiin Photo E/Roll tlangzarh tak-ah hian 39-Saiha(ST) AC hnuaiah voters:

Mipa---9885

Hmeichhia----10907 an vaiin 20892 an awm a. 40-Palak(ST) AC hnuaiah voters:

Mipa----8905 

Hmeichhia---9042 an vaiin 17947 an awm a ni.

Siaha District Pumpuiah voters:

Mipa-----18890

Hmeichhia----19949 an vaiin voter 38839 an awm mek a ni. Siaha district mihring 1000 zelah mi 592 hi vote nei an ni. Mipa voter 1000 zelah hmeichhe voters 1056 an awm bawk a ni.

39-Saiha(ST) AC hnuaiah Polling Station 36 awmin, 40-Palak(ST) AC hnuaiah Polling Station 43 a awm a, a vaiin 79 Siaha district chhungah a awm mek.

Vawiin Final PE/Roll tlangzarh zawh hian kan hmalawka  MLA inthlanna lo awm tura thil pawimawh hrang hrang te sawiho vin District Level Standing Committee ten meeting an neih zui nghal a.  He meeting-ah  hian Pu Benjamin Zalawma Ralte, SDC in Model Code of Conduct chungchangah power point presentation a nei a. Pi B.Malsawmtluangi,DTO leh SVEEP Nodal officer ni bawk chuan EVM leh VVPAT chungchangah power point presentation hmangin zirtirna a pe bawk.