3341/2022-2023

Mamit 24th January, 2023 : Vawiin khan DC Conference Hall, Mamit-ah Pu Lalnunhlua, Mamit District Bawrhsap, District Level Fire Prevention Committee Chairman hovin Mamit-a Fire Prevention Week, 2023, 6th -10th February, 2023 hman dan tur relin thutkhawm a ni.

Meeting chuan Fire Prevention Week, 2023 hawnna chu State Level Committee-in hman hun tur a rel angin Ni 6 February, 2023-ah Chhimveng YMA Hall-ah hman nise a ti a. Khuallian atan Mamit District Bawrhsap ruat niin Programme hmanna atana mawhphurhna chanvo hrang hrangte inruat nghal a ni. Fire Prevention Week hawnna-ah hian ramkang ven kawnga hnathawk tha khua thlan chhuahte lawmman siamsak leh tura ruahmanna siam a ni bawk.

Meeting-ah hian March Ni 15 hma-a Lo/Leipui hal vek tur anih thu tarlan niin Lengpui Airport bul hnai khuate chuan tlai dar 3:30 hnu lama hal vek tur anih thu tarlan a ni a. Lo/Leipui hal tur te'n meikawng tha taka sial tur a ni a. Khua a lo thal chho a, kangmei chhuak palh thei laka fimkhur theuh turin Committee chuan mitinte a ngen nghal bawk a ni.

Vawiin thutkhawmah hian District Level Fire Prevention Committee Members te an tel tha hle a ni.