Vawiin khan Siamliana Hall Mamit ah Mamit District Fire Prevention Week 2015 hawnna neih a ni a, District Bawrhsap Pu K. Lalthawmmawia an khuallian niin a hawng.

Week hawnna inkhawm Pu C. Lalbiaka DFO Mamit kaihhruaiah ah khuallian chuan thusawiin Mei hi mihring tana thil tangkai tak a ni a, amaherawhchu a hman danah kan fimkhur loh chuan hun reilote chhunga kut benga min siamtu a ni a, mizoram mi cheng tam tak lo neia eizawng kan ni a, kum tina ram kang hi lo atana kan vah let tam tam tak a ni thin a ni, Lo hal tur reng rengte pawhin uluk tak a meilam sial turin a sawm a. kan ram zimte hi thangtharte tana chenna tlak rama siam tura tan la sauh sauh turin leh kangmei ven kawngah mitinte fimkhur leh zuala, khualzin leh ramvak mi te pawh ramti kang lo tura fimkhur turin a chah bawk.

Week hawnna ah hian Pu P.C Lalchunglura Addl SP Mamit, Pu Lalthakima OC F&ES leh Pu Vanlalhlua President Sub Hqrs YMA ten kangmei ven lama mitinte kan fimkhur na tur thil hrang hrang te an sawi a ni.

He hunah hian Mamit khawpui chhunga NGO’s hrang hrang te leh Sawrkar hnathawkte an tel a ni.