Tukin khan GSA Playground, Mamit-ah Global Handwashing Day hman a ni a. Pu H.Lianzela, Addl.DC chuan khuallian niin he hun hi a hmanpui.

Khuallian chuan kut bal atangin natna chi hrang hrang a kai theih avangin School naupang kalkhawmte chu kut fai taka sil thin turin a chah.

Global Handwashing Day 2017 thupui atan hian "Our hands our future" tih hman niin, he hun hi Pu Lalsailova, DPC SSA Mission, Mamit District-in a kaihruai a. H.Vanlalhruaia, Divisional Accountant, PHE chuan kut fai taka sil tura intiamna (Pledge taking) a neihpui bakah Dr.Nancy Lalnunmawii'n kut fai taka sil dan Demonstration pein kalkhawmte'n kut an sil nghal a ni.

He hun hi Mamit khawpui chhunga Department hrang hranga Head of Office te'n telpuiin anni pawh hian School naupangte hmuhah kut sil dan tur dik takin kut an sil vek a. Mamit khawpui chhung School hrang hranga zirlai 565 leh zirtirtute kalkhawmin school naupang kalkhawmte hi kut silna tur Sahbawn pek vek an ni bawk.

 

Attachment

  • Loading attachment...