Vawiin khan I&PR Conference Hall, Mamitah Mizoram Board of School Education (MBSE) buatsaihin Mamit District chhunga High School leh Higher Secondary School zirtirtute tan Integrated Evaluation Scheme (IES) Software hman dan chungchangah ni khat awh Training buatsaih a ni.

IES hi Evaluation Scheme thar niin kum 2016-17 academic session atangin High School bikah hman tan a ni a. Higher Secondary-ah 2017-18 academic session atangin hman tan leh a ni. He Scheme-ah hian Internal Mark introduce niin Subject tinah Mark 20 a keng a, Internal Mark hi hlawm hrang hrangah then niin hengte hi School tin te'n dik taka an pek theih nan a tihdan tur fel taka duan sa a awm a ni. IES Software-ah hian School naupang tin te details leh an internal Mark zawng zawng thun luh niin a lo chhut chhuak vek a. Chu chu Soft copy leh Hard copy hmanga submit theih a ni.

IES a naupang Mark chhinchhiahna tur Software hi MBSE buatsaih niin Training hi T. Lalrinzami, Academic Officer leh Jonathan Lalrinmawia, Academic Officer MBSE te'n an pe a, Mamit District chhunga High School leh Higher Secondary School zirtirtute an tel tha hle a ni.