Pu Zarzosanga, Addl. D.C., Mamit District kaihhruaina in November ni 20, 2009 khan D.C. Conference Hall-ah Mamit khawpui chhunga tlawmngai pawl hrang hrang hruaitute leh dan leh thupek kengkawhtute bakah helama mawhphurtu Department ten Krismas leh Kumthar 2010 lo thleng tur mipuiten him leh thlamuang taka an hman dan tur an sawiho.
He meeting ah hian District Prohibition Council-in an lo rel tawh ruihtheih thil, zu leh a kaihhnawih khuahkhirh dan tur an lo rel te chak taka kalpui ni se tih te, hemi bakah halpuah lam chi reng reng leh silai lem, a mu awm chi te bakah ruih nana hman chi reng reng khap bur ni se, tih te hemi hunpui chhung hian khawpui chhung veng hrang hrangah Duty Post siamin YMA te duty ni se tih te lirthei chetsualna laka kan lo fihlim theih nan hemi hun chhung hian No Tolerance Week District pum huapa buatsaih ni se tih rel a ni bawk.
He meeting-ah hian tlawmngai pawl hrang hrang aiawhte, khawtlang hruaitute, police, Excise & Narcotics Department, Transport, Health & Family Welfare department hotute an tel tha hle a ni.
He meeting-ah hian tlawmngai pawl hrang hrang aiawhte, khawtlang hruaitute, police, Excise & Narcotics Department, Transport, Health & Family Welfare department hotute an tel tha hle a ni.
