Vawiin ni 16th February 2009 (Thawhtanni) Zing dar 11:00 AM khan Chhim Veng Y.M.A Hall, Mamit-ah Pu Zothankhuma, District Bawrhsap, Mamit District, Mamit chuan Kum 2009 Ram kang ven Hapta 16th - 20th February 2009 chhunga hman tur a hawng.
Hawnna inkhawm Pu Vanlalchuailova DFO, Mamit kaihhhruaiah thusawiin khuallian Pu Zothankhuma, D.C. Mamit District Fire Prevention Commmitte Chairman ni bawk chuan Ozone pawp avanga khawvel lo lum chho tial tial tih ziaawm nan leh mihringte chenna tlaka kan ram kan siam theih nan Ramngaw thing leh mau humhalh hi mitinte mawhphurhna a ni, a ti a. Chu chu a thu a hre tu mai ni lova a taka hmalatu kan nih ngei a tul a ni tiin chutiang ni tur chuan kalkhawm te a sawm a. A sawizelna-ah khuallian chuan NLUP hmanga Sorkarin chhungtinte tana intodelhna tur ruahmanna a siam hi mipuiten dik tak leh hlawhtling taka kan kalpui phawt chuan eizawnna ngelnghet kan nei thei dawn a, Chu chuan tul lova Ram kan tih kan thin hi min pumpelh tir thei dawn a ni tiin Sorkar ruahmanna hi thil lawmawm tak a ni a ti.

Khuallian chuan thalaite hi kan ram leh kan District-in kawng engkima hmasawnna kan neih theih nan leh Ram kang venna atan pawh an pawimawh ber a ni tiin hemi kawnga nasa leh zuala tan la turin a sawm bawk a ni.

He Ram kang venna hapta hawnna-ah hian Pu Zatluanga Sailo, President YMA Sub-Hqrs, Mamit leh Pu H. Ramthlengliana, S.P. Mamit pawhin thu sawiin Ram kang venna kawnga kan tih tur leh tih loh turte an sawi bawk a ni.

He hapta hawnna-ah hian YMA Member-te bakah Sikul naupang thahnem tawk tak an tel a ni.