Mizoram SSA Mission-in kumin (2009-10) chhunga Mizoram district 8 leh State Project Office hnathawh dan tur leh sum hman tur a ruahman - Annual Work Plan & Budget (AWP&B) Rs.8500,564,00/- chu April ni 8, 2009 -a New Delhi a Project Appraisal Board (PAB) meeting chuan a pawm a, kum kalta aiin nuai 340 zetin a tam a ni.
He pawisa hi Mizorama zirna tih hmasawnna tur leh naupang sikul kai rual, sikul kai lo ten sikul an luh vek theihna tura hmalakna tur leh Mizoramin zirna tha zawk leh changtlung zawk kan neih theihna atana hman leh zel tur a ni a, hmalakna hrang hrangte tihpuitlina a awm theihna tura ruahman a ni. Tin, heng bakah hian zirtirtu tanglai mi 1130 rawih chhunzawmna tur te, zirtirtu thar mi 479 lakna tur te leh hostel 9 leh civil works danga hman tur te pawh a tel nghal bawk a ni.
SSA hotute chuan nikum 2008-09 chhunga sum hmanral aia cheng nuai sawmthum pali zeta a tam avangin lawmawm an tih thu an sawi a, hmun hrang hranga SSA hnuaia hnathawktute leh District Education Committee te, Village Education Committee (VEC) te leh Education Officer te, an thahnemngaihna thulh lova thawk zel tur leh a hma aia nasa zawka tan la turin an duh thu an sawi a. Heng SSA sum ruahmanna bakah hian Education Department-in Model School Project a siam te. Secondary Education tih hmasawnna tur - RMSA Pre-Project atana Detailed Project Report (DPR) a thehluh te. Block chhunga Model School DPR te, Girls’ Hostel dinna tura DPR a siamte pawh Ministry of Human Resource Development (MHRD)-in a pawm sak avangin Education Department hotute chu an lawm hle a ni.
Heng bakah hian naupang chawchhun - Mid-Day Meal atana sum ruahmanna pawh Mid-Day Meal Project Board chuan a pawm bawk.
He sum hman tur ruahmanna AWP&B hi Education Minister Pu Lalsawta leh SSA hotute chuan April ni 15, 2009 khan thlir hovin, Minister chuan Mizoram team te hlawhtling taka an lo haw thei chu hlawhtlina ropui tak anih thu sawiin lawmthu a lo hrilh a, an hnathawh te phur leh ngawrh taka thawk chhunzawm zel turin a hrilh a, heng sum te hi a hmanna tur dik taka hman anih theih nan leh Mizoram tana hlawkna ropui phur chhuaktu anih ngei theihna tura hma la turin Education Minister Pu Lalsawta chuan a lo chah bawk a ni.
Sum hman dan tur chungchang hi Education Officer te leh District tina SSA enkawltute nen inhmukhawmin la sawi ho a ni ang.
SSA hotute chuan nikum 2008-09 chhunga sum hmanral aia cheng nuai sawmthum pali zeta a tam avangin lawmawm an tih thu an sawi a, hmun hrang hranga SSA hnuaia hnathawktute leh District Education Committee te, Village Education Committee (VEC) te leh Education Officer te, an thahnemngaihna thulh lova thawk zel tur leh a hma aia nasa zawka tan la turin an duh thu an sawi a. Heng SSA sum ruahmanna bakah hian Education Department-in Model School Project a siam te. Secondary Education tih hmasawnna tur - RMSA Pre-Project atana Detailed Project Report (DPR) a thehluh te. Block chhunga Model School DPR te, Girls’ Hostel dinna tura DPR a siamte pawh Ministry of Human Resource Development (MHRD)-in a pawm sak avangin Education Department hotute chu an lawm hle a ni.
Heng bakah hian naupang chawchhun - Mid-Day Meal atana sum ruahmanna pawh Mid-Day Meal Project Board chuan a pawm bawk.
He sum hman tur ruahmanna AWP&B hi Education Minister Pu Lalsawta leh SSA hotute chuan April ni 15, 2009 khan thlir hovin, Minister chuan Mizoram team te hlawhtling taka an lo haw thei chu hlawhtlina ropui tak anih thu sawiin lawmthu a lo hrilh a, an hnathawh te phur leh ngawrh taka thawk chhunzawm zel turin a hrilh a, heng sum te hi a hmanna tur dik taka hman anih theih nan leh Mizoram tana hlawkna ropui phur chhuaktu anih ngei theihna tura hma la turin Education Minister Pu Lalsawta chuan a lo chah bawk a ni.
Sum hman dan tur chungchang hi Education Officer te leh District tina SSA enkawltute nen inhmukhawmin la sawi ho a ni ang.
