Vawiin khan DPRC Conference Hall, Mamit-ah Extension Training Centre (Kolasib) SIRD&PR leh Mamit ICDS, Social Welfare Department tangkawpin an buatsaih 'nikhat awh hriselna leh ei tur tha inzirtirna hun' (One Day Awareness Programme on Rashtriya Poshan Maah) neih a ni.

Pi C. Lalrinpuii, District Programme Officer, ICDS Mamit chuan hun buatsaih a nih chhan tarlangin India ramah ei tur hrisel leh tha ei loh vangin naupangte'n nasa takin an tuar thin a, hei hi Central Sorkar chuan ngaipawimawhin September thla pumpui hi 'Nutrition Month'-ah a puang a. Hei hian a tum ber chu kum 2020-ah chuan tui ai hian 35℅ talin he harsatna hi a tih kiam beisei a ni a ti.

Pi T. Lalchhanhimi, Faculty, Extension Training Centre, Kolasib chuan 'Hriselna leh ei leh in tur tha' tih thupui hmangin zirtirna a pe a. Pi Lalhmachhuani Sailo, Protection Officer, District Child Protection Unit, Mamit chuan ei leh in tur siam dan thianghlim leh hrisel tih chu a takin/Cooking Demonstration nen a entir bawk.

He hun hi Pi C. Lalrinpuii District Programme Officer, ICDS Mamit-in a kaihruai a. Mamit District chhung khaw hrang hranga Anganwadi Worker kalkhawmin kalkhawmte hian Poshan Maah thutiam 'Ei tur tha ram hmasawnna' tih chu chhiarchhuahna an nei nghal bawk a ni.