Vawiin khan Mizoram School Games vawi 36-na Champhaia thlen dan tur chungchang DC Conference Hall, Keifangtlang Champhaiah District Bawrhsap Dr.Naveen Aggarwal, IAS hova neih a ni.

Champhai District Bawrhsap chuan a vawikhatna tur atana Aizawl pawna School Games huaihawt  Champhaiin a thleng tur chu phurawm a tih thu leh District tana inchhuanna  tham a ni, a ti a. Felfai leh hlawhtling taka huaihawt anih theihna turin line department theuha thawktu leh khawtlang mipui tawiawmna a ngen nghal a ni. Vawiin meeting-ah hian infiammite lo thlen dan tur, mamawh leh hmanraw chhawpchhuah sak dan turte sawiho a ni a. Meeting chuan October Ni 11-ah hmalaknate ennawn  leh nise a ti bawk a ni.    

Vawiin meeting-ah hian infiammite lo thlen dan tur, mamawh leh hmanraw chhawpchhuah sak dan turte sawiho a ni a. Tui, Eng, Eitur, hriselna leh Security chungchangte pawh sawiin, Meeting chuan a zau thei ang bera puanzar nise tha a ti a. Meeting chuan October Ni 11-ah hmalaknate ennawnna neih leh nise a ti bawk a ni.    

Mizoram School Games, 2018 thleng tur hian Champhai leh Thenzawl-te chu thlan an ni a, Hmeichhe Hockey leh Mipa Volley ball-te chu October Ni 9-11, 2018 chhungin Thenzawlah khelh a ni ang a, abak zawng Football, Judo, Boxing leh Athletics-te chu Champhaiah October Ni 23 atanga 26, 2018 chhunga neih tur a ni. Football hi Chhangphut Field-a khelh tur a ni a, Judo hi VANIS-ah niiin, Boxing hi Tlangrawt Boxing Hall-ah khelh ani ang a, Athletics inelna chu Zotlang Stadium-ah neih a ni ang.

Mizoram School Games, 2018 neih turah hian Zirlai infiammi 360 bawr vel District dang pasarih atanga fuankhawm tura beisei a ni a. Guide Teachers 50 leh Official leh Judges 30 vel an rawn tel thei dawn bawk a ni.