Vawiin khan DC Conference Hall, Mamit-ah Dr. Lalrozama, IAS District Bawrhsap hovin kan hmalawka Krismas leh Kumthar lo thleng tur chu mipuite'n harsatna tawk lova, hlim leh thlamuang taka an hman theihna tur atan dan leh thupek kenkawh dan tur chungchang sawiho a thutkhawm a ni.

Meeting hian khawtlang a lo ralmuan zawk nan Police, Tlawmngaipawl hrang hrang leh khawtlang hruaitute chu thawhho nise a ti a. Hunpui laia thahnemngaia Duty turte chu Police lam leh District Administration hriatpuina ngeia Duty thin nise tih a ni.

Meeting-ah hian thuneitute'n dan phal loh, khapna thupek an chhuah tawh te chu zawm a nih leh nih loh khawtlang hruaitute leh Police te'n tha taka enzui nise, Village Council hruaitute pawhin vengchhung Information Mike kaltlanga mipuite hriattir nawn leh nise tih a ni a, YMA Duty-te District Administration-in tlawhchhuah a, an thingpui inna tur atana sum an mamawh zat pawh chhut fel veka a ranglama PHQ lama thawn nise tih a ni bawk.

Meeting hian hunpui laia lirtheia chetsualna pumpelh nan leh mipuite kan him tlan theih nan kawngpui dunga Motor dah-te chu Road Protection Squad lamin hmalak nise a ti bawk.

Vawiin Meeting-ah hian dan leh thupek kengkawhtute, khawtlang hruaitute leh tlawmngaipawl hrang hrang aiawhte bakah thutharthehdarhtute an tel a ni.