961/2023-2024

Mamit 28th June, 2023 : Vawiin khan DC Conference Hall, Mamit-ah Pu V. L. Remliana, Mamit District Bawrhsap, Chairman, District Level Coordination Committee (DLCC) hovin Integrated Cooperative Development Project (ICDP) Phase II hnuaia Mamit District chhunga hnathawh dan hrang hrangte thlirin thutkhawm a ni.

Meeting-ah hian Pu Lalthangfala, District Cooperative Officer, Member Secretary, DLCC on ICDP Phase II, Mamit District chuan an hmalak tawhna hrang hrangte a tarlang a. Proposal Beneficiary list 2022-2023 thlirho niin tihdanglam ngaite tihdanglam a nih hnuah pawm a ni. ICDP Phase II hnuaiah hian Loan leh Subsidy belhkhawma sum sem ral tur hi cheng Nuai 253.479/- a ni.

ICDP Phase II hnuaiah hian Sector hrang hrang Agriculture Sector (PACS) Cooperatives, Marketing Cooperative, Piggery Cooperatives, Oil Palm Cooperatives, Handloom Cooperatives, Fisheries Cooperatives, Rubber Cooperatives, Coffee Growers Cooperatives, Lamps, Fruits & Vegetables Cooperatives bakah Manpower Development and Training te a awm mek a ni.

Meeting-ah hian District chhung khawtina kuthnathawktute'n hamthatna awm thei ang angte an dawn ve theih nan Society indin a, DCO Office, Mamit-ah form la chhuakin a duh apiang tan in-register theih a nih thu tarlan a ni bawk.

Vawiin thutkhawmah hian DLCC Member te an tel tha hle a ni.