No.4118/2020-2021

Mamit 15th August, 2020 : India Independence Day vawi 74-na chu Mamit DC Complex-ah urhsun taka hman a ni a. Pu Lalchhandama Ralte, Hon'ble Minister, School Education, LESD&E, P&S Departments chuan khuallian niin hnam puanzar a pawtpharh.

Pu Lalchhandama Ralte chuan vawiin Independence Day vawi 74-na lawmna ni-ah Mamit District mipui zawng zawngte chibai bukin, ramdang awpbehna laka kan ram zalenna tura tha leh zung senga sulsutu, hruaitu hmasate, ram zalenna leh hmalam hun atana an nunna hlu tak hlantu mi huaisen kal tate kha kan rilruin zahna chibai buk i la. He hnam ropui tak dintute beiseina leh hmathlir hlenchhuak tura inhlan thar turin a sawm.

Mamit District chhunga sawrkarin hmasawnna tura hna a thawh leh hmathlir tlangpuite tarlangin

School Education Department hnuaiah Elementary School 245, Secondary leh Higher Secondary Sikul 33 enkawl mek a ni a, naupang neih dan azirin Composite Grant pek vek an ni, kumin chhungin sikul 32-ah Electrification pek an ni a. Sikul 155-ah toilet pek an ni bawk. Naupang Sikul kai lo mi 459 enkawl mek an ni a, hostel 3-ah naupang 250 enkawl mek niin, naupang dangte hi Special Trainer 42 chhawrin enkawl mek an ni bawk. Samagra Shiksha, Mamit District hnuaiah Zirlai naupang, Elementary School-ah 12160 leh Secondary leh Higher Secondary-ah 1766 enkawl mek an ni a, an mamawh hrang hrang zirlaibu, uniform-te leh an zirlai tanpui turin Study Tour, Science Exhibition leh Self – Defence Training-te buatsaihsak an nih thu a sawi. DIET Mamit hnuaiah nikum June 2019 khan D.El.Ed zir chhuak 34 (Pre- Service Education) an awm a, Mamit District chhungah Short Course Training NAS (National achievement Survey 2017) zulzuiin Mathematics, Science leh tawng zirna Zirtirtu mi 175 hnenah pek an ni a ti. Aspirational District hmalakna hnuaiah Rural Electrification Corporation Limited (REC) atangin CSR-ah Rs 8.79 Crore chuang hmuh a ni a, hemi hmang hian sikul building chhiate, tui thianghlim in turte leh naupang zirna atan Smart Classroom dinte, Master Trainers-te ruai tura hmalak tum mek a ni a. Teachers Training hnuaiah zirtirtute fuih tharna leh tuaihriam nan zirtirtu 861-te chawlhkar khat chhung theuh Training pek an ni bawk. Govt. Mamit College-ah RUSA Fund atangin Library cum Seminar Hall Rs.160 lakhs senga sak mek a ni a, hun reiloteah luah mai theih tur niin hna hi 90% vel zawh tawh a ni. RUSA hnuai atang bawkin Upgradation of Academic Block/Building Rs.153 lakhs sengin sak mek a ni a, hei pawh hi 90% vel hna zawh tawh niin, luah theih vat beisei a ni. Examination Hall (100x22) tha leh mawi takin sak zawh tawh a nih thu a tarlang bawk.

MGNREGS hnuaiah chhungkaw 20,848-te tan Ni 100 inhlawhna siamsak an ni a, tui dahkhawlna (Community Water Tank) hmun tam takah sak niin, kut hnathawktute thlai thar zawrhna hmun tur Rural Market tam tak sak leh chei that a ni bawk. PMAY (Gramin) hnuaiah SECC 2001-in In sak tanpuina dawng tura a thlan, chhungkaw 37-te hnenah In sak tanpuina Rs.1,30,000/- theuh pek an ni a. In 234 sak zawh tawh niin tunah hian in 137 sak mek a ni. CM Rural Housing hnuaiah chenna in nei lo leh thuamthat ngaite bul tan nan leh sak that nan chhungkaw 177-te Rs. 50,000/- theuh pek an ni a. PMSKY hnuaiah Rain Water Harvesting Tanky 17 leh Farm Pond 7 siam a ni.

Agriculture Department hnuaiah Kum 2019-2020 chhungin Oil Palm seedlings 7738 Nos. semchhuah tawh niin, Oil Palm rah (FFB)2203.429 MT thar chhuah a ni a, hei hi Rs.121 lakhs man a ni. Socio Economic Development Plan (SEDP) State sawrkarin kuthnathawktute’n eizawnna ngialnghet an neih theih nana scheme a duan hmangin Mamit District chhungah vaimim chi (variety Chakra BN) 7.5 quintals kuthnathawktute hnenah sem chhuah tawh a ni a. National Adaptation Fund For Climate Change (NAFCC) scheme hnuai atang hian kuthnathawktute tan ram 3Ha. a zauah terrace laihsak niin, tui dah khawlna 3 Nos. siam sak an ni a. Tin, he scheme hnuaiah vek hian loneitute leilet 125 Ha. a zau thuamthatsak an ni bawk. Heng bakah hian RKVY scheme hnuaiah brush cutter-te subsidy-a pek niin SMAM scheme hnuaiah tractor leh power tiller-te subsidy-a pek an ni bawk.
Mamit District chhunga tui harsatna phuhru turin PHE Deptt Mamit Watsan Division hnuaiah chak taka hmalakna kalpui zel a ni a, Water Supply Scheme hnuaia hmalakna chu hengah te hian zawh tawh a ni.

(1) Suarhliap Water Supply Scheme (Solar Pumping)
(2) Khantlang Water Supply Scheme (Solar Pumping) leh
(3) Dilzawl-ah Tui Connection eng emaw zat pek an nih thu a sawi a. Mamit Power Division chuan mipuite’n eng tha zawk kan neih theih nan hmalakna hrang hrang a kalpui zingah IPDS hnuaiah 33Kv Sub-station Rs.1858.37 lakhs senga siam chu physical work zawh tawh niin Technical Commission tur atana peihfel a ni tawh a. 33kV Sub- Station Rs.841.40 lakhs senga Zawlnuam Town-a a siam mek chu hna tha taka thawh mek zel a ni a ti. LAD hnuaiah kum 2019-2020 chhungin heng – Step, Retaining Wall, Approach road, PCC& RCC pavement & flooring, Community Hall repairing, Bazar Shed, Wooden Bridge leh internal road etc te siam a ni a. Heng hna hrang hrangte thawh nan hian Mamit District chhunga Village Council-te hnenah Rs 642 lakhs pek chhuah a ni. Mizoram State Finance Commission Grant (MFC) 2018-19, 2nd Installment hmangin VC-te’n an khawtlang hmasawnna hna an thawh nan Rs 153.780 lakhs VC-te hnenah hlan a nih thu a sawi bawk.

Sa thianghlima ei tura kan intodelh theih nan District AH & Vety Office, Mamit hnuaiah RKVY Programme kaltlangin Rainbow Rooster ( Arnote) 5200 leh a chaw sem a ni a. Covid – 19 hripui avangin Mamit AH & Vety Office chuan ran chaw farmers-te hnenah man tlawm zawkin a hralh bawk. Ran vulhtute hnenah mumal leh tha takin hridanna pek chhuah thin an ni bawk. District Office, Mamit KVI hnuaiah kum 2019-2020 chhungin PMEGP hnuaiah Loan dilna 85 dawn a ni a, Interview-te neih ni tawhin mi 82 te chu Mamit District chhunga Bank hrang hrang atangin Rs 322.60 lakhs pek chhuah an ni bawk. Land Resources Soil & Water Conservation Mamit District chuan NABARD Funding atangin Private Rubber Plantation Rengdil-ah 200Ha leh Kanghmun-ah 20Ha-ah siam a ni a. RKVY sum hmangin Tuidam-ah 1st Installment thawh zawh tawh niin, 2nd Installment thawh mek a ni. Hriphaw khua-ah Coffee Rejuvenation Scheme Ministry of Tribal Affairs hnuaiah thawh mek a nih thu a tarlang bawk.

Khuallian chuan Forest Department, Mamit hnuaia Teak chingtute’n an hralh theihna turin ruahmanna siam anih thu sawiin Teak planters 331 register tawh niin Forest Reserve pawn lama huan neitu mi 210 hnenah Felling Permit pek tawh an ni a ti. Afforestation Scheme hnuaiah plantation 510 Ha.a zau enkawl mek a ni a. Green Mizoram Day\Public distribution atan Nursery siam a ni a. Seedlings thahnem tak enkawl mek anih thu a sawi. Excise & Narcotics Department, Mamit chuan ruihhlo dona kawngah nasa takin hma an la zel a. Kum kalta chhung khan Excise & Narcotics Mamit District atangin State Sawrkar-ah chhiah Rs 3,42,965/- chhun luh a ni. Ruihhlo thahnem tak man niin thubuai 195 ziah luh a ni a, MLPC Act case 162 ziah luh niin mi 168 man an ni.

Covid-19 hrilengin min tuam mek a. He hrileng a darh zel lohna turin Police mi leh sa 460 (zali sawmruk) vel Mamit District chhunga khaw hrang hrang leh Quarantine Centre hrang hrangah-te leh inter-state/international border hmun hrang hrangah-te an duty thu sawiin tun thleng hian ngawrh takin an la duty mek zel a ni a ti. Mamit District chhungah The Mizoram (Prevention and Containment of Covid-19) Ordinance, 2020 zawm lo mi 537 man tawh niin, an hnen atang hian sum fai Rs. 77,000/- fine dawn tawh a nih thu a tarlang bawk.

Minister hian COVID-19 hripui leng do kawnga tun thlenga theihtawp chhuahtu, Sawrkar hnathawkte, Village/Local Task Force, kohhran leh tlawmngai pawl te, police leh sipaite chungah lawmthu a sawi a. He hun khirh tak kan tawn laia a ral hmatawnga awm, damlo enkawltute, sample la-a feh chhuak thinte leh laboratory hrang hranga rim taka chawlh pawh nei lova sample test hnathawktute leh COVID-19 Volunteer zawng zawngte chungah lawmthu sawiin NGO, kohhran leh mipuite'n Sorkar an thawhpuinaah lawmthu a sawi bawk. Khawvel pum thlirin, indo thuthang leh inrikrapna chi hrang hrang karah kan ramin remna leh muanna a neih zel theih nana lungrual taka thawk tlang zelin turin kalkhawmte a sawm bawk a ni.

Independence Day, 2020 DC Complex-a neihah hian Guard of Honour Commander hi SI. Lalroliana, 4th IR, Mamit a ni.

Khuallian hian Mamit District chhunga Village Level Task Force tinte hnenah Covid-19 do let nana an hnathawh avanga lawmthusawina chawimawina thuziak hlanin VLTF tinte aiawh hian Pu K. Tlangruala, DLAO, Mamit chuan a dawng a ni. Huaisen chawimawina Jeevan Raksha Padak chu Pu C. Lianhawla, Tuidam Mamit District hnenah khuallian hian a hlan nghal bawk.

Independence Day, 2020 pual hian chawhma dar 11:30-ah DC Bungalow-ah VIP At Home buatsaih a ni bawk.

Mamit-a India Independence Day lawmna hunah hian Er. H. Lalzirliana, 3-Mamit Bialtu MLA bakah sawmbikte Covid -19 Standard Operating Procedure (SOP) zawm chungin an tel a ni.