Intensified Diarrhoea Control Fortnight (IDCF) Steering Committee in a lo rel tawh bawhzuiin, nimin 22nd June, 2017 khan Mamit khawpui chhung bakah District chhung khaw hrang hrangah Supportive Supervision neih a ni.

Supportive Supervision neia feh chhuakte hi Group A leh B ah inthenin Group A hi Dr.Zothankhuma Chhakchhuak, CMO in a ho a. Suarhliap Sub-Centre, Damdiai Sub-Centre leh North Sabual Sub-Centre te an tlawh a. Group B hi Dr.TC Hmingthangi, SMO in hoin Darlak Sub-Centre, Mamit Sub-Centre leh Bawngva khuate an tlawh ve thung.

Supportive Supervision neihah hian naupang kum 5 hnuailamte’n ORS an dawng tha ngei em tih finfiah nan Kum 5 hnuailam naupang neite Inah kal kualin Health Worker te’n ORS an pe ngei em tih zawhfiah an ni a. Sub-Centre leh ASHA lama thawktute pawh ORS an pekchhuah dan leh an kawl that leh kawl that loh enfiahna neih a nih bakah zirna In hrang hrang tlawhin kawthalo laka an himna turin kut fai taka sil dan tur step hrang hrang zirtirna leh hrilhhriatna neih nghal a ni bawk.

Supportive Supervision neihnaah hian IDCF Steering Committee-in Member tura a ruatte an tel tha hle a ni.