Kolasib a eirawngbawlna Gas/LPG Cylinder Online Booking kalpui tur chungchanga hriattur pawimawhte inhriattirna hun DC Conference Hall, Kolasib ah District Bawrhsap Dr Arun T. hovin neih a ni. 

LPG Cylinder online booking hi  Kolasib ah hian tan tum a ni a. He online booking hi IVRS/SMS/Internet/Phone hmanga book theih tura ruahman a ni a. Online booking kaltlanga Gas book hian LPG Agency Manager leh IOC lam ten ni thum chhungin Gas hi a book tu te hnenah pe ngei ngei turin mawhphurhna an nei a ni. 

Kolasib khaw chhungbikah Online Booking hmang hian Doorstep Delivery (Home Delivery) hi bul tan nan enchhin tum a ni a. Hemi hmang hian mahni in ngeiah eirawngbawlna Gas Cylinder a tak awm chu a lo thleng thei dawn a ni. Gas Cylinder mahni inah an rawn dah hian gas man bituk sa bakah pawisa tlem pek belh a ngai dawn a, hemi atan hian  Kolasib khawpui chhung hi block thum - Block-A,B leh C ah te thenin hetiang hian a pekbelh tur rate siam a ni: 

Sl.No.

Block

Rate

Veng huam chinte 

1

A

Rs.5/-

Khuangpuilam, Vengthar, ICAR kawng hnuai, New Diakkawn, Diakkawn Highway.

2

B

Rs.15/-

Diakkawn, Salem Veng, Silchar Road, Parkkawn, Venglai, Venglai UPC Mual, Parkkawn Convent Road Venglai, St.John’s peng thleng, Project Road.

3

C

Rs.20/-

Project Veng, College Veng, Venglai St. peng, Electric Veng, Tumpui, Hmarveng, Rengtekawn.        

 A man zat bithliah leh kalpui dan hi a tul dan a zirin hun bi neia ennawn thin a ni ang. 

Kolasib ah hian eirawngbawlna Gas hi rate chi thum a awm a: 

I. Godown Rate - Godown atanga lak chuan tun dinhmun ah Rs.677.50 a ni a. 

II. Semna tur bituk/ Common Delivery Point ah- Rs.705/- (Approx) a ni anga. 

III. Online Booking Delivery Rate - Gas man bakah a chunga home delivery rate bituk ang khi belh tur a ni. 

Kolasib khaw chhungah hian veng 11-ah Common Delivery Point atan hmun 23 thlanchhuah a ni a. Rengtekawnah - 2;  Thingdawlah - 2; Bairabiah - 2  thlanchhuah a ni bawk. 

Vawiin hunah hian DCSO Kolasib Pu Biakthangsanga leh Staff ten hriattur pawimawh te an sawi a ni.