1401/2023-2024

Mamit 7th August, 2023 : Vawiin khan CMO Office, Mamit-ah Intensified Mission Indradhanush (IMI) 5.0 chu Pu V. Laldinsanga, Addl. DC Mamit chuan khuallian niin a hawng.

Khuallian chuan kan District-ah IMI 5.0 launch theih a ni chu lawmawm a tih thu sawiin he Mission-in a tum ber Vaccine hmanga natna hrik um bo chu Strategy hrang hrang hmanga thingtlang kilkhawr zawka naupang leh nu naupaite'n an chhawr tangkai ngeina turin tha taka thawk turin thawktute chu a chah a. Hriselna chu hausakna a ni a, kan hrisel chuan sum tam tak kan hum thei a ni a ti bawk.

IMI 5.0 hian a tum ber chu naupang kum 5 leh a hnuailam bakah nu naupaite natna hrang hrang laka an him theih nana Vaccine tha taka laktir leh Vaccine la tha zawn chhuah runpui neih a ni a. 1st Round hi Ni 7th - 11th August, 2023 chhunga neih tur niin Mamit District chhunga naupang Vaccine la tlem thinna khua Damdiai, Phaizau, Mualthuam, Rajiv Nagar, Tuipuibari, Silsury, Hnahva, Dilzawl, Kanhmun leh Begabekia khua-ah te tan lak zual tum a ni.

He hun hi Dr. Lalnuntluangi Khiangte, District Immunization Officer chuan kaihruaiin Pi Eloy Zonunpari, District Programme Manager chuan lawmthu a sawi a ni.

Vawiin Launching Programme-ah hian Medical-a thawktute bakah Mission Foundation Movement Representative te an tel a ni.