2563/2024-2025

Dated: Mamit the 17th of October, 2024: Vawiin khan Intensive IEC Campaign, 2024 “India fight against HIV/AIDS & STI” thawh hnihna chu Chhim Veng YMA Hall, Mamit-ah neih a ni a, school naupang ten debate competition neiin hun an hmang.

Vawiin hunah hian Dr Thanmawii, District AIDS Control Officer & Member Secretary (DAPCC) chuan keynote address pein zirlai kal khawmte hnenah chuan lehkha zir ngai pawimawh turin a chah a, tha tak a zir a thil dang a hun hman loh chuan nun pawh a vawng tha a, HIV/AIDS leh STI lakah pawh himna kawng pawimawh tak a nih thu a sawi a, Pathian hre reng a nun hmang turin a chah bawk a ni. 

He hunah hian Pu Vanlalchhuanga Chhangte, Member(DAPCC) & President, Sub - Hqrs YMA,Mamit chuan zirlaite chu fuihna thuchah pein, Pi Lalenkawli, Programme Officer (JHPIEGO), Mamit leh Dr Vanlalthazuali Chhangte, Medical Officer, OST chuan HIV/AIDS chungchangah awareness thuchah an sawi bawk a ni. 

Vawiin programme ah hian debate competition leh prize distribution neih a ni.