Vawiin khan Pi Lalbiaksangi District Bawrhsap hovin a Office Chamber-ah Systematic Voters' Education and Electoral Participation (SVEEP) hmalakna kal zela Mamit khawpui chhunga YMA Branch hrang hrangte tan Inter Branch YMA Quiz buatsaih dan tur sawihona an nei.

Mamit khaw chhungah hian Branch 6 awmin Quiz neih hun tur hian October Ni 4, Zan dar 6:30 tinzawn a ni a. Lawmman pawh hetiang hian ruahman nghal a ni.

1st Prize- Rs 7,000/-

2nd Prize- Rs 5,000/-

3rd Prize- Rs 3,000/-

Hei bakah hian Participants te tan Rs.1000/- ruahman a ni a, Mipui kalkhawmte tan lawmman dawn theihna tur zawhna leh chhanna buatsaih a ni bawk ang.

He hunah hian Pu H.Lianzela Addl.Dc, Pi H.Lalchhandami SDO (Sadar), Pu Paul Rokima, DIPRO, Election Officer bakah Sub-Headquarters YMA hruaitute an tel a ni.