2060/2024-2025

Dated: Mamit the 13th of September, 2024: International Literacy Day, 2024 puala 'Importance of Girl Child Education'  tih theme hmanga Primary Level Slogan Writing Competition, Middle Level Essay Writing Competition leh High School Level Essay Writing Competition - District Hub for Empowerment of Women, Women & Child Development, Mamit in an  buatsaih chu DC Conference Hall Mamit ah Pu Jacob Lalawmpuia, District Bawrhsap hoin lawmman semna hun hman a ni.

He hun hi Pu Jacob Lalawmpuia, District Bawrhsap in a kaihruaia, Pi V.L Remruati Hmar, District Mission Coordinator - hnen atang Hub for Empowerment of Women, Mamit te hnathawh hrang hrang leh International Literacy Day, 2024 kalpui a nih dan te ngaihthlak a ni.

Bawrhsap chuan ziak leh chhiar chu ram hmasawnna tehfung pawimawh tak a ni a ti a. He kawngah hian zirtirtute chuan nihna pawimawh tak an chelh a,rah tha chhuah theitu niin zirlai te hmasawnna ngaituah chung reng a zirtir a tul thu a sawi.

He Competition ah hian Primary school atangin school pasarih, Middle school atangin school pali leh High School atangin school paruk an tela. Primary Level Slogan Writing Competition ah hian  lawmman pakhatna Govt.Mamit Primary School-V in an dawnga, cheng 15000 leh Certificate hlan an ni. Lawmman pahnihna Govt. Mamit Primary School-II in an dawnga cheng 10000 leh certificate hlan an ni. Lawmman pathumna Govt. Primary School -I in an dawnga cheng 8000 leh certificate hlan an ni. Consolation Prize hi Govt. Primary School-VII leh Govt. Primary School - VI te hlan an ni a, Pawisa cheng 5000 leh certificate an dawng ve ve a ni.

Middle Level Essay Writing Competition ah hian Lalrinhlui, Govt. Middle School-I in lawmman pakhatna a dawnga pawisa cheng 5000/-leh Certificate hlan a ni. Lawmman pahnihna Vanlalhriatrengi, Govt. Middle School -III in a dawnga pawisa cheng 3000/- leh certificate hlan a ni.Lawmman pathumna C. Lalchhansangi, Govt. Middle School - I in a dawnga pawisa cheng 2000/- leh certificate hlan a ni.

High School Level Essay Writing Competition ah hian lawmman pakhatna Lalpekhlui, St. Francis of Assisi High School in a dawnga pawisa cheng 5000/- leh certificate hlan ani. Lawmman pahnihna Rebek Malsawmsangi, New Mamit Secondary School in a dawnga pawisa cheng 3000/- leh certificate hlan a ni. Lawmman pathumna Ashmi Chakma, St Francis of Assisi in a dawnga pawisa cheng 2000/- leh certificate hlan a ni.