2061/2024-2025
Lawngtlai, the 13th September, 2024 : Mizoram AIDS Control Society (MSACS) leh Lawngtlai District AIDS Prevention Control Committee (DAPCC) tangkawp buatsaih ni thum awh  'Intensified IEC Campaign - India Fight Against HIV/AIDS & STI'  kharna inkhawm chu vawiin dar 11:30 khan Government Lawngtlai College Hall-ah neih a ni a.  Pu Cheemala Siva Gopal Reddy, IAS, District bawrhsap leh Chairman, Lawngtlai District AIDS Prevention Control Committee (DAPCC) nibawk chuan khuallian niin a hmanpui.

Pu Cheemala Siva Gopal Reddy, IAS, chuan zirlai naupang, zirtirtu leh sawmbik  lo kalkhawmte hnenah lawmthu sawina a nei hmasa a. HIV/AIDS leh Sexualy Transmitted Infections (STI) tirem tura nithum chhung zet beihpui thlak chuan Lawngtlai mipuite rilru suk thlek a tih danglam ngei a bei tlat tih sawiin, rah tha a chhuah ngei dawn a ni, a ti.  Mipuiten HIV/AIDS leh STI - do beihpui thlak a nih chhan kan inzawh nawn fo a tul hle a, heng natna kaihtheih dan leh inven dan hrang hrangte chu rilrua hriatah duhtawk mai lova a taka nunpuitu ni theuh turin a fuih.

Bawrhsap chuan Mizoram chu HIV/AIDS  leh Cancer hmunpui ti a hriat a ni thin chu pawi a tih thu sawiin, mitinin theihtawp chhuah a hun tak zet a ni, a ti. Mizoram chu India rama lehkha thiam tamna hmun, khawtlang nuam leh ralmuang tak ni mahsela, chhung lamah a damlo tak zet a, kan chhunglam natna hi kan pawm thiam phawt loh chuan hmalak a har dawn hle a ti. Pu Cheemala Siva Gopal Reddy chuan kan damlohna laite hi hre reng ila, a tihdam kawngah tumah inthlahdah lo in, theihtawpin thawk ho ang u tiin kalkhawte a fuih a. 'Tihdam aiin inven a tha zawk' tih chu mitin hriat a nih thu tarlangin bawrhsap chuan a taka nunpui tur leh HIV/AIDS kai theihna kawng hrang hrang laka fihlim turin kalkhawmte leh Lawngtlai mipuite a sawm.

Pu Cheemala Siva Gopal Reddy, IAS chuan Mizoram chhung a bik takin Lawngtlaiah ngei pawh ruihhlo a hluar hle tih tarlangin, thalai tam takte nunna hlu tak chan a ni thin chu thil pawi tak a ni, a ti a. Ruihhlo do na kawngah Sawrkar, NGO, Kohhran leh mipuite tan ho a tul hle a ti. HIV hrik veite endawng mai lo a, tanpui an ngaih kawngah theihtawp chhuah a tanpui turin a sawm a. HIV/ AIDS  veite tan ART treatment-  tha tak a awm tawh tih tarlangin, HIV kaite chuan he treatment hi la thin ngei ngei turin a chah a. Lawngtlai khawpui a lo thianghlim zawk nan leh HIV/AIDS leh Sexually Transmitted Infections ( STI) awm lohna district- a siam turin kalkhawmte  leh Lawngtlai mipui zawng zawngte a sawm nghal bawk.

Intensified IEC Campaign - India Fight Against HIV/AIDS & STI' puala Debate, Flash Mob Dance leh Placard hmanga inelna siama lawmman semna neih nghal a ni a, lawmman dawngtute chu a hnuaiah hian tarlan a ni.

High School Level Debate Competition
1. Nancy Laldinpuii ( Jehova Jireh English School)
2. Lalsangzeli Chinzah (Ngurnunsangi's English School)
3. Julie Khawngaihsangi (Govt. College Veng High School)

Higher Level Debate Competition
1. Sarah Lalrinchhani (Harvard Higher Secondary School)
2. HC. Lalchhungliana ( Jehova Jireh Higher Secondary School)
3. Laldinthari  (Jehova Jireh Higher Secondary School)

College Level Debate Competition
1. F. Vanlalhlupuia (DIET)
2. Lalhriatrengi (ANM)
3. Lalthawmmawia (ANM)

Flash Mob Dance
1. ANM School, Lawngtlai
2. DIET, Lawngtlai
3. FIRE Group  -Government Lawngtlai College

Placard Competition

Middle School Level
1. Rosangzuali Renthlei - Class -VII 'A' ( Downtown English School)
2.  Vanrosanga - Class -VIII ( Ngurnunsangi's English School)
3. Lalchhandami- Class -VII 'A' ( Downtown English School)

High School Level
1. Samson Lalrinchhana - Class -X ( Govt. Lairam High School)
2. Jessica Lalrinfeli - Class-  X ( Govt. Southern Public High School )
3. Lalhruaizeli - Class- IX 'A' ( Don Bosco School)

Higher Secondary School Level
1. Khaute Paulunthanga- Class - XII ( LAHAS)
2. Zingkipari - Class XI 'A' ( Govt. Region Higher Secondary School )
3. Freddy Vanlalhriatrenga - Class XI (Don Bosco School)

Vawiin Intensified IEC Campaign - India Fight Against HIV/AIDS & STI'  kharna inkhawm hi Pi Darbuanpuii chuan kaihruaiin,   Dr. David Zothansanga, Sr. Chief Medical Officer  leh  Member Secretary, District AIDS Prevention Control Committee (DAPCC)  nibawk chuan kallhawnte lawmna thu a sawi a. Pu .M.C. Lalrokhuma, Principal, Govt. Lawngtlai College, Pu Lalchhanhima Chhangte  (DEO) leh Pi Ngur Hming Liani, Principal,DIET ten thu tawi sawina nei bawkin, Dr. Malsawmtluanga, MO, ARTC chuan lawmthu sawina neiin hun a khar.

'Intensified IEC Campaign' hi India rama HIV/ AIDS Programme khaikhawmtu National AIDS Control Organization (NACO), Ministry of Health & Family Welfare, Government of India, in India rama State tina  district leh thingtlang kilkhawr zawng zawnga  mipui nawlpui hnena HIV/AIDS leh STI chungchang inzirtirna beihpui a thlakna a ni a. He Campaign- hi thla hnih chhung awh tura duan niin, Mizoram AIDS Control Society (MSACS) leh Lawngtlai District AIDS Prevention Control Committee (DAPCC) tangkawp bultumin Debate, Placard leh Flashmob Dance -  hmang a hun hman niin, September thla chhung hian Quiz Competition - buatsaih leh tum a ni.