2156/2023-2024

Mamit 4th October, 2023 : Vawiin khan Mamit DC Conference Hall-ah kumin MLA General Election-a Mamit District chhung a Constituency pathum- Hachek, Dampa Mamit a hman tur ‘Final Electoral Roll’ chu Pu V.L Remliana, Mamit Bawrhsap leh District Election Officer (DEO) ni bawk chuan a tlangzarh a. Political Party aiawh bakah ERO leh AERO te hnenah Roll copy hi a hlan nghal bawk.

Roll tlangzarhtu Mamit DEO Pu V.L Remliana chuan Electoral Roll buatsaihna kawnga an hnathawhah lawm thu a hrilh a. Roll fel fai tak nei tur chuan a hmun ngei a kal a, hearing neih tluk a tha a awmlo a ni tih sawiin Mamit District chhunga AERO leh thawktu dangte a hmun a kal a thahnem ngai taka thawktute chungah lawmthu a sawi bawk a. Kumin MLA 2023 Inthlanpui lo awm turah mawhphurhna pawimawh tak political party leh sawrkar hnathawk ten kan nei a, inthlanna fel fai tak Mamit District chhungah a awm theihnana theihtawp chhuah turin a ngen a ni. Bawrhsap hian rualbanlo (PwD) leh kum 80 chin chunglam te chuan an chenna inah vote an thlak thei dawn a, hemi tih hlawhtlin nan ECI siam mobile app Saksham-ECI download theih a nih thu a tarlang bawk a ni.

Roll tlangzarhna-ah hian Pu Lalsanglura, Election Officer, hnen atangin E-roll tlangpui sawi hawnna ngaihthlak a ni.

Mamit District chhungah hian elector 64,787 awmin Gender Ratio hi 980 a ni a. Draft Roll ah total elector 63,688 niin Final Roll a punna hi 1099 a ni. Age Cohort Analysis atanga a landan in kum 18-19 inkarah elector 4,103 an awm a, kum 20 leh 29 inkarah elector 19,253 awmin elector tamna kum (age cohort) a ni. ECI in kum upa (senior citizens) a pawm chin kum 80+ hi elector 765 an awm a ni. PwD marking atanga alandan in elector 64 an awm bawk a ni.

Mamit District chhung Constituency pathum- Hachhek, Dampa leh Mamit  Final Electoral Roll khaikhawmna (General Summary) hi a hnuaiah hian en theih a dah a ni. Final Roll a hmaih palh leh siamthat ngai a awm chuan mahni bial ERO leh AERO te biak theih a ni.

Highlights of the Final Electoral Rolls, 2nd SSR, 2023, Mamit.pdf