Vawiin khan DC Conference Hall, Mamit-ah Krishna Mohan Uppu Addl.CEO leh Mamit-a Sorkar hotute'n Mizoram General Election Mamit District-a inbuatsaihna hrang hrang sawihoin an thukhawm.

Addl.CEO chuan inthlanna felfai tak kalpui a nih theih nan Sorkar hnathawk, inthlanna-a chanvo neite chu an chanvo theuh hlenchhuak turin a chah a. Thlei bik nei lova inthlanna hlawhtling taka kalpui a nih theih nan theihtawpchhuah turin a ngen bawk.

Addl. CEO chuan Mamit DC huamchhunga Strong Room leh Vote Counting Hall-te endikin siamthat ngai leh tihdik ngaite Mamit DEO leh SP-te nen an sawiho nghal bawk.

He hunah hian Mamit District Election Officer, Deputy District Election Officer, Election Officer, Mamit Superintendent of Police, Addl.SP leh Asst Returning Officer te'n an telpui a ni.