2666/2022-2023
Mamit 15th November, 2022: India ramin zalenna a hmuh kum 75 lawmna kalzel atan Janjatiya Gaurav Divas, 2022 pualin tukin khan GSA Playground atanga Charkawn Mamit thleng tribal hnam tana nunna lo hlantute zahna pualin kawng zawh a ni.

Janjatiya Gaurav Divas, 2022 puala kawngzawh tanna inkhawm tawi GSA Playground-a neihah Pu Lalnunhlua, District Bawrhsap chuan Tribal hnam tana zalenna lo sualtu kan mi hmasate zahna leh chawimawina atana an puala kawng zawh buatsaih a nih thu sawiin, ram tana nunna hlana huaisen taka lo beitute avanga zalenna kan neih chu a hlu hle a ni tiin, ram leh hnam tana nunna lo hlantute chu kan ngaisangin zahna chibai kan buk a ni a ti.

He hun hi Lalfakzuala, Addl.DC chuan kaihruaiin Mizoram leh hnam tana nunna lo hlantute chanchin chhiarchhuahna a nei bawk.

Janjatiya Gaurav Divas, 2022 puala kawngzawhah hian Sawrkar Officials-te leh Gov't Mamit College zirlaite an tel a ni.