1356/2023-2025

Mamit 2nd August, 2023 : Vawiin khan DC Conference Hall, Mamit-ah Ministry of Education Government of India NEP-2020 hmalakna kalzela Programme pawimawh tak Nipun Bharat chu Pu V.L Remliana, Chairman, Nipun Bharat Mission, Mamit District/ District Bawrhsap chuan a tlangzarh.

District Bawrhsap chuan NIPUN Bharat tlangzarh thei a ni chu a lawmawm hle a, naupangin lehkhabu an chhiar a, a awmzia diktak an hriat theih nan zirtirtute an pawimawh hle a ni tiin, zirlai naupangin chhiarkawp a nihna tak an man a, an thiam theih nan kan zirtir dan leh kalphungte kan inenfiaha, thlak a ngaih pawha thlak hrehlo tura chahin, Kawng engkimah hmasawnna hmel kan hmuh theihna tur chu lehkhathiam hi a nih avangin School Principal leh Headmaster kalkhawmte chu an School theuhah zirna-in hma a sawn theih nana ngaihtuahna seng nasa lehzual turin a chah a ni.

Pu Emmanuela, Addl. District Project Coordinator, Samagra Shiksha kaihruaina-in Zo Nipun Bharat thutiam lakna neih a ni a, Zo NIPUN Bharat sawizauna a nei bawk.

Resource Person Pu H. Lalrosanga, Dy. District Project Coordinator (S) chuan NIPUN Bharat ruangam leh thiltumte sawifiahna hun a lem nen a hmang a ni.

Ministry of Education, Government of India chuan NEP 2020 hmalakna kalzelah Programme pawimawh tak NIPUN Bharat (National Initiative for Proficiency in Reading with Understanding) hi a duang chhuak a, He programme hnuaiah hian School naupang pawlthum zir chin tawhte (Kum 3-9) te chuan chuan ziak, chhiar leh chhiarkawp-a nihna leh awmzia chiang taka an hriatthiam theihna tura hmalakna a ni. Mamit District-ah pawh NIPUN Bharat hi kalpui zel niin, District Level-ah District Mission, Deputy Commissioner Chairman-na hnuaiah din a ni a, District Project Management Unit (DDMU) District Project Coordinator, Samagra Shiksha Chairman-na hnuaiah din a ni tawh bawk.

NIPUN Bharat tlangzarhna hun hi Pu Laldingliana, District Project Coordinator, Samagra Shiksha chuan a kaihruai a, Pu H. Darhmingliana, Dy. District Project Coordination (E) chuan lawmthusawina a nei bawk.