1357/2023-2025

2023 Thlazing ni 2: Lawngtlai District Deputy Commissioner (DC/Bawrhsap) thar Pu H. Lalhmingthanga, MCS chuan vawiin August ni 2, 2023 (Nilaini) khan Lawngtlai lo thlengin, a pisa a luah ṭan.

Pu H. Lalhmingthanga hian official duty-a Aizawla a zin laiin Election Commission of India (ECI) aṭanga thuchhuah a awm avangin July 27, 2023 (Ningani) khan Lawngtlai Additional Deputy Commissioner Pu Abraham Beirazi Khithie hnen aṭangin Lawngtlai Bawrhsap charge hi a la fel tawh a. Hemi hnu hian a post hmasaa charge te a hlan fel leh hnuah, vawiin khan Lawngtlai Bawrhsap pisa hi a luah ṭan ta a ni.

Pu H. Lalhmingthanga hi Thiltlang khaw chhuak niin, tunah hian Mizoram New Capital Complex, Aizawlah chhungkuain an khawsa mek a. North-Eastern Hill University aṭangin Bachelor of Arts (Honours) leh Bachelor of Education (B.Ed) a zo va. Asia Theological Association aṭangin Master of Divinity (M. Div.) zovin, Doctor of Ministry (D. Min.) a zir leh mek bawk. Kum 2003 batch Mizoram Civil Service officer niin, Lunglei Municipal Council (LMC) Chief Executive Officer (CEO) hna a chelh lai aṭangin Lawngtlai DC-ah hian lo sawn a ni.

Bawrhsap thar chuan Lawngtlai District mipuite chibai bukin, District hmasawn nan theih tawp chhuah a tum thu a sawi a. District mipuite, tlawmngai pawl, kohhran, district council leh sawrkar department hrang hrangte ṭawiawmna leh thawhpuina ngenin, a ṭulna apiangah fin chhuah ṭhin turin a chah a ni.