1536/2023-2024

Mamit 16th August, 2023 : Vawiin khan DC Conference Hall, Mamit-ah Azadi Ka Amrit Mahotsav, India kum 75-na lawmna kalzelah Meri Matti Mera Desh chu Pu V.L. Remliana, Deputy Commissioner, Mamit hova hman a ni.

Pu V.L Remliana chuan Meri Matti Mera Desh hman a nih dan chungchang sawizauna neiin, India khua leh tui kan nihna angin ramin hma a sawn zelna turin theihtawpchhuaha tan la thar zel turin kalkhawmte a sawm a ni.

He hunah hian Pu V.Laldinsanga, Addl. DC chuan Mamit District chhung RD Block pali, Reiek, Zawlnuam, W. Phaileng leh Kawrtethawveng-ah te Meri Matti Mera Desh (9th - 15th, August) chhunga kalpui dan a tarlang a, Shilaphalakams - 5, Vasudha Vandhans - 69, Trees Planted - 3540, Veeron Ka Vandhan/ rastragaan/flag hoisting - 77, Panch Pran Pledge thutiam la - 13744 a nih thu a tarlang.

Programme hman zawh hian DC tualzawlah Pu V.L Remliana, District Bawrhsap-in hnam puanzar pawtpharhin, Hnam hla sak a ni a. Pi Carolyn LB Khiangte kaihhruaina-in Panch Pran thutiam kuta lei keng chungin sawirualna neih a ni.