1535/2023-2024

Aizawl, 16.08.2023: Vawiin khan Aizawl district Systematic Voters' Education and Electoral Participation (SVEEP) Core Committee chu DC Conference Hall-ah Nodal Officer Pi C. Laltleipuii hovin an thukhawm a, kumin inthlanpui lo awm tur atana mipui vote nei tam thei ang berin vote an thlak nan hmalakna tur an sawiho.

Vawiin SVEEP meeting-ah hian inthlan hnuhnung bera Aizawl district chhunga polling booth tin a vote tlak dan leh vote tla zat tlemna hmun te sawiho a ni a. Vote tlak tlem chhan zirchian leh hmalak zui dan tur te sawiho a ni. Vote tlak dan ah Mizoram state average chu 80.03% a ni a, Aizawl district ah 70% aia tlem vote tlakna polling booth hi pasarih a awm a ni. Hetih rual hian India state dangte nen khaikhin chuan Mizoram ah vote a tla tha thei hle a ni.

Systematic Voters' Education and Electoral Participation (SVEEP) hi khua leh tui, vote nei thei zawng zawngte roll ah an inziahluh vek a, roll a chuang tawh phawt chuan ram rorelna siamtu an nihna ang ngeia vote an thlak theuh theihna tura kawng hrang hranga mipui hnena inhrilhriatna kalpui tura din a ni.