Vawiin khan Chhimveng YMA Hall, Mamitah Mizoram Kailawn 2018 outreach/Awareness Programme neih a ni a. He hun hi Pu Jacob Lalawmpuia, Addl.DC, Mamit District chuan a kaihruai a ni.

Mizoram Kailawn hi sumdawng mi leh eizawnna kawnga mahni ke-a din tumte tana eizawnna kawnga ruahmanna-a inelna (Business Plan Contest) leh eizawnna kawnga mahni kut leh ke-a din tumte intawhkhawmna (Entrepreneurship Summit) a ni a. New Economic Development Policy (NEDP) hnuaia Entrepreneurship Development Scheme (EDS) niin Mizo mipui sumdawnna kawnga tuimi leh eizawnna kawnga mahni kutkawih ngeia din tumte chawikanna tura ruahmanna a ni.

Mizoram Kailawn 2018 Outreach/ Awareness Programme- ah hian Dr.Laldinliana Varte, Mizoram Entrepreneurship Development Monitoring Committee (MEDMOC) Master Trainer hnen atangin kalkhawmte fuihna leh ama tawnhriat atanga teirei peih pawimawhzia te, sumdawnna kawnga ruahmanna siam dan kawng hrang hrangte ngaihthlak a ni a. Pi Lalrinngheti Sangsiama, Mizoram Consultancy Group (MzCG) hnen atangin Mizoram Kailawnin a tum leh a awmzia bakah Mizoram Kailawn 2018 intihsiaknaa tel dan leh thil tul bakah Application form fill up dan inzirtirna neih a ni a. Mizoram Kailawn 2017 atanga hlawhtlinna chang tawh finalist-te Video Clip thlirhona hun hman nghal a ni bawk.

Pu Lalrinsanga Hnamte, SDC, Mamitin kalkhawmte hnena lawmthu sawina neiin he hunah hian Mamit khawpui chhunga zirlaite leh thalaite, sumdawnna hrang hrang khawih mekte leh khawtlang hruaitute an tel a ni.