451/2026-2027

Dated: Mamit the 11th of May,2026: Vawiin khan Women & Child Development, Mamit District buatsaihin Nu te Ni (Mother’s Day) Pi Carolyn LB Khiangte, Addl DC hovin Mamit Anganwadi Centre-IX ah hman a ni.

Pi Carolyn LB Khiangte chuan Nute chu harsatna hrang hrang tawk thin mah ila Nu kan nihna hre renga kan fate dah pawimawh hmasa ber reng tlat turin a chah a. Kan fate kan dah pawimawh tlata theih tawp kan chhuah reng chuan nakinah kan tan lawmman tha tak a la awm dawn a ni tiin Nuho kalkhawmte chu a fuih.

He hun kaihruaitu Pu Lalruatmawia Ralte, District Programme Officer, Mamit chuan Mother's Day chu Nu ten an fate tana an inpekna te, chhungkua leh khawtlang tana an tha thawh te hriat sak leh ngaihhlut loha awm thin hriat reng sakna leh ngaihhlutna lantirna hun atan hman a nih thu a sawi.

He Mother's Day pual hian Nu entawntlak leh chhuanawm, a pasal a sun hnua amaha fate puitling leh entawntlak tak taka enkawl seiliantu Pi Zorampari, Mamit Bazar Veng chu chawimawi thilpek hlan a ni.