Vawiin khan Gov’t Middle School II Mamit ah National Deworming Day hman a ni a, Pi Lalbiaksangi District Bawrhsap chuan khuallian niin a hmanpui.

Khuallian District Bawrhsap chuan thu sawiin naupangte chu faina leh thianghlimna kawngah tan la turin a fuih a. Faina leh thianghlimna nena inzawm tlat chu hriselna anih thu sawiin hrisel loh chuan nun a hlim thei lova, zirna leh kawng tinrengah midang aiin kan hnufum thin a, chuvangin faina leh hriselna lam kan ngaipawimawh tur a ni a ti.

Dr.Chieky Azyu MD.(Ped) pawhin thu sawiin Rulhut nihphung hrang hrang, mihring taksaa a luh thin dan leh mihring taksa chhunga a hnathawh dan hrang hrang kalkhawmte hrilhhriatna a nei bawk.

National Deworming Day theme atan “Naupang Rulhut pailote hi naupang hrisel an ni” tih hman niin Rulhut hlo kum 1 atanga kum 19 inkarte hnenah pek an ni.

Mamita Natioanal Deworming Day hmanna Programme hi Dr.Hmingthanmawii,CMO in kaihruaiin Dr.PC.Lalliannghaka, DMS chuan kalkhawmte hnena lawmthu sawina a nei a ni.