Vawiin khan DC\'s Conference Hall, Mamit-ah National Disaster Management Day, 2011 hman a ni.
He hun hi Pi Margaret Lalrinawmi Fanai, SDC (M) kaihhruaiah Pu A. Biaklawma, Additional DC Mamit chuan hawnna thu sawiin chhiatrupna a lo thlen hian mipui tlawmngaia thawkchhuakte hian hruaitute zai ngaia chet kan lak a pawimawh hle a ni a ti a. Chu chu nasa takin chhanchhuaha hna thawhna kawngah hmasawnna a thlen thin a ni a ti. Hetiang hun lo thlen thulh ah pawh mipui nawlpuite zirtirtu ni theuh turin tuna saawrkar hnathawk leh khawtlang hruaitu kalkhawmte a chah bawk.
He hunah hian Pu C. Lalnunmawia, Addl. SP, Dr. Jame R.E. Mawia, District Medical Superintendent leh Pu Lalhlupuia, Chairman, Joint VC Mamit ten chhiatrupna thlen thulha hmalak dan turte an sawi bawk a ni.
He National Disaster Management Authority Day, 2011 hmanna chi khat atan hian Middle school naupang thlanchhuahte tana painting Competition, chhiatrupna thlen dan leh chet lak dan tur lam hawia buatsaih lawmman sem nghal a ni. 1st V. Lalthazuala, Cl-VI Presbyterian English Medium School niin, Rs. 1,000/- leh Certificate hlan a ni a. 2nd Laldingngheta Cl-VIII MS-II niin Rs. 750/- leh Certificate hlan in 3rd Jerry Lalrinfela, CL-VIII Agape M/S Rs. 500/- leh Certificate a dawng bawk. Painting a tel zawng zawngte hi Participation Prize pek vek an ni.
He NDMA Day hmanna ah hian Mamit khawpui chhunga sorkar hnathawk te, tlawmngai pawl hruaitutse leh khawtlang hruaitute, thuthar thehdarhtute an tel tha hle a ni.
