No.5007/2020-2021


Mamit 12th September, 2020 : Vawiin khan DC Conference Hall, Mamit-ah District Civil Supplies Officer, Mamit District kaihhruaina hnuaiah National Food Security Day, 2020 hman a ni a. Pu R. Vanlalsawta, Addl. DC Mamit chuan he hun hi khuallian niin a hmanpui.

Khuallian chuan thu sawiin National Food Security Day, 2020 Mamit-a hman a ni chu lawmawm a tih thu a sawi a. Sorkar atanga Ration-te chu bo thlau leh pelhe awm lova a dawng tur dik takte'n an dawn theih nana hmalak anih theih nan a enkawltu department leh Retailer-te pawh midang tana thawk kan ni tih inhrethar turin a chah a ni.

Pu Lalchhuankima Chawngthu, IFCS&CA Mamit chuan National Food Security Act, 2013 chungchang sawifiahna neiin NFSA chu Ni 10th September, 2013 khan India ram pumah hman tan a ni a. Mizoramah chuan Ni 1st March, 2016 atangin hman tan a nih thu a sawi a. He dan hnuaia mipuite hamthatna hrang hrang leh hriat tur pawimawhte sawizauna a nei nghal bawk.

Tun dinhmunah Mamit District chhungah hian Antyodaya Anna Yojana (AAY) Card 1878 awm mekin Priority Households (PHH) Card 9352 a awm mek a ni.

Vawiin Programme hi Pu Lalthanmawia, DCSO Mamit chuan kaihruaiin Pu Laldawngzela, JAO Mamit chuan kalkhawmte hnena lawmthusawina a nei a. He hunah hian Mamit khawpui chhunga VC Member-te, Tlawmngai pawl aiawh, khawpui chhunga Retailer-te leh sawmbikte an tel a ni.

Attachment

  • Loading attachment...