4131/2025-2026

Dated : Mamit the 23rd of January, 2026 : Vawiin khan District Hub For Empowerment of Women, Women & Child Development, Mamit District buatsaihin National Girl Child Day (NGCD) 2026 lawmna I&PR Conference Hall, Mamit-ah hman a ni a. Pi Carolyn LB Khiangte, Addl. DC, Mamit District chuan khual lian niin a hmanpui.

Khual Lian chuan Women & Child Development a thawktute chu an hnain a tum leh a nihna tur ang taka thawk tura fuihin, Sawrkar scheme leh hnathawh hrang hrang la hrelotute hnena finchhuahtu leh kawhhmuhtu nih chu thil pawimawh tak a nih thu sawi a, NGCD puala Girl Champion Award dawngtu hmeichhe naupang pathumte chu chhuanawm a tih thu leh a lawmpui thu a sawi bawk.

He hunah hian VL Remruati Hmar, District Mission Coordinator chuan NGCD hman tan a nih dan leh a thiltumte sawiin hmeichhe fa tana sawrkar scheme siamte a sawi lang bawk.

National Girl Child Day lawmna inkhawm hi Pu Lalruatmawia Ralte, District Programme Officer, Women & Child Development-in kaihruai a, he ni puala lawmman hrang hrangte semna neih nghal a ni.

NGCD puala Pa leh fanu thlalak intihsiaka lawmman dawngtute chu :

Pakhatna : Pu J Laltanpuia, Rawpuichhip
Pahnihna : Pi Lucy Zothanmawii, Kawrthah, High School Veng.
Pathumna : Pu Zomuana Tlau, Mamit Mizo Veng, Consolation Prize : Pi Lalrinthianghlimi, Mamit Hmunsam, Pu Mapuia Chawhte, Mamit Lungsir te an ni.

NGCD Puala hmeichhe naupang zirna leh infiamna lama chhuanawm thlanchhuah mi pathum hnenah chawimawina heng mite hnenah hian hlan a ni.

1.Vanlalnunpuii, (17yrs) d/o Jerry Lalremruata Kawilam, Bazar Veng, Mamit.
Hlawhtlinna :

• HSLC District Topper 2025 (Letter in All Subjects)
• 1st Position – District High School Quiz Competition
• National Merit Scholar
• Qualified: UPSC Grooming Program

2.Vanlalmawipuii (10yrs) d/o Lallianthanga, Lungsir, Mamit.

Hlawhtlinna : Silver Medalist (Sub-Junior under 32kg), 4th National Sub-Junoir & Senior National Taekwondo Championship (Kyorugi & Poomsae), Cuttack, Odisha, India.

3.Esther Lallawmsangi (15 yrs) d/o C Lalhlimpuii, Reiek. Gold Medalist : 20th Mizoram Inter-District Boxing Championship (Sub-Junior, 67+ kg) Silver Medalist : Khelo India All-India Inter-SAI Boxing Championship (Junior, 66+ kg) Bronze Medalist : Sailo Agencies Mega Boxing State-Level Championship (55+ kg) 2nd Position : Aizawl District Secondary School Sports Meet (Shot Put) te an ni.