Mamit District Water & Sanitation Committee chu vawiin khan an chairman Mamit DC Pu K.Lalthawmmawia hovin an hmalak tawh dan leh hmalak zel na tur relin DC Conference Hall-ah an thukhawm.

He meeting-ah hian Mamit District chhunga khaw tin leh School ekin tha leh thianghlim an neih theih nana hmalak tawhna te thlir ho a nih bakah tun kum kallai meka hmalakna te leh hmalak zelna tur te sawiho a ni. Ekin thianghlim leh tha hriselna atan a pawimawh zia inzirtirna uar a tulzia sawi lan a ni bawk. ‘Model village’ siam nise tia rel niin a khua thlan tur hi PHE Dept lamin zirchiang se ti a rel a ni. Hei bakah hian IAY leh MGNREGA hmalakna nena tangkawpa thawh dan te rel a ni.

Nirmal Bharat Abhiyan hnuai ah hian tun kum kallai mekah hian BPL chhungkaw tan ekin 48 sak tawh a ni a,school toilet 6 Dampui leh N.Sabualah sak anih tawh bakah ,vantlang inthiarna 1 ve ve Nalzawlah leh Mausenah sak ani tawh bawk. Hei aia tam zawk sak tuma hmalak mek zel a ni.

Nirmal Bharat Abhiyan hnuaiah hian ekin tha leh thianghlim BPL chhungkua leh APL chhungkaw tan ,vantlang tan,school leh Aganwadi tan sak theih a ni a. Bawlhhlawh sawngbawlna hmun siam te pawh a huam a, khawtlang thianghlim zawk nan ngaihven theih reng a ni.

Attachment

  • Loading attachment...