Vawiin khan DC’s Conference Hall, Mamit-ah District Level NLUP Implementing Committee chu an Chairman Pu Rodney L. Ralte, IAS District Bawrhsap hovin an thukhawm.
He thutkhawmna-ah hian NLUP High Level Consultation meeting thutlukna anga NLUP dawng thei tur list uluk taka update tura rel a ni a, update a ngaihna chhan te chipchiar taka sawi ho niin Baseline Survey neih laia la in dang lo, tuna nupui/pasal neia indang tawh te, Baseline Survey neih laia khawsa thei, tuna tla chhe ta te leh sakhuana thil avanga list a tel duh lo, tuna rilru thlak ta te anih thu he thutkhawmna-ah hian tarlan a ni bawk.
Meeting chuan Survey nei tur hian Mamit District pumpui chu Circle 16 ah then ni se, Line Department ten survey hi buaipuiin July thla chhunga zawh ni se tiin meeting chuan a rel a ni.
He thutkhawmna-ah hian NLUP Line Department te an tel tha hle a ni.
