Vawiin khan Mamit DC Conference Hall-ah District Bawrhsap Pi Lalbiaksangi kaihhruainain NLUP Performance Audit Exit Conference neih a ni a. District chhunga Line Department-te hmalakna Aizawl atanga AG Mizoram Audit team te'na endikna an neih kharna hun hman a ni.

Programme kaihruaitu Pi Lalbiaksangi chuan AG Mizoram Audit team-te thawhrimna leh an inpeknaah lawmthu a sawi a. Line Department lo tawiawmtute chungah pawh thinlung takin lawmthu a sawi a ni.

Mamit District Performance Audit hi August Ni 2 atanga tan a ni. Khaw pasarih Mamit, Zamuang, Zawlnuam, Kanhmun, Tuidam, Kawrthah leh Darlak-ah te Beneficiaries 1441 ( Sangkhat zali sawmli pakhat) kawmna neih an ni a. Hei bakah hian khaw hrang hrang hmun 33 (Sawmthum pathum)-ah Field Visit neih a ni bawk.

Vawiin a kharna Program-ah hian Pu Elijah Lalrinawma, AAO, AG Mizoram atangin Audit report ngaihthlak a ni a. Pu Lalneihthanga Colney SDC hnen atangin Field Inspection report ngaihthlak anih bakah Pu H.Lianzela Addl.DC, NLUP Nodal Officer ni bawk chuan lawmthu sawina a nei bawk a ni.