Vawiin khan AH&Vety Department hnuaia NLUP 2nd Instalment part II tanpuina chu District AH&Vety Office, Mamit ah sem a ni. Mamit Centre-a chhungkua 164 hnenah trade hrang hrang hetiang hian sem a ni.

Dairy Cow ah chhungkaw 14 te tan Ranchaw leina tur leh Tuizem siamna atan Rs 6,500/- theuh sem a ni a, Vawk vulhtu chhungkaw 107 te hnenah Vawkte pathum leina leh Vawkin saknan Rs 35,851/- theuh sem a ni bawk a, Ar vulhtu chhungkaw 14 te hnenah a chaw man leh hmanraw man atan Rs 31,200/- theuh sem a ni bawk. Bawng emaw Lawi emaw vulhtu chhungkaw 20 te hnenah Bawng man leh damdawi man atan Rs 42,700/- theuh sem a ni bawk a ni.

Hetiang zel hian NLUP tanpuina hi sem chhunzawm tur a ni bawk. Ni 14.3.2012 ah hian Tuidam Centre leh Zawlnuam Centre ah chhungkaw 141 te tan sem a ni a ang a.Ni 16.3.2012 hian Lengpui Centre leh Reiek Centre a chhungkua 196 te hnenah sem a ni ang a.Ni 20.3.2012 hian W. Phaileng leh Phuldungsei Centre a chhungkua 273 te hnenah sem lehin ni 22.3.2012 hian Tuipuibari Centre te hnenah sem chhunzawm leh a ni dawn a ni