Vawiin khan District A.H & Vety Office, Mamit-ah Dr. Lalramdintluanga V.O chuan NLUP hnuaia vawkvulh thlangtute chhungkaw 19 hnenah Vawk Note a sem.

He hunah hian NLUP 3rd leh 4th Phase a Vawkvulh thlangtu chhungkaw 19 hnenah Vawk Note 3 theuh pek an ni a, Vawk Note dawngtute hi Mamit Hmarveng atangin chhungkaw 17 leh Mamit Venghlun atangin chhungkaw 2 te an ni.

Mamit District chhungah hian Piggery Trade thlangtute hi chhungkaw 677 awmin Vawk Note hi 6 theuha pek tur a ni a, a thawhkhatna ah hian Vawk Note 3 zela sem niin chhungkaw 115 hnenah Vawk Note 3 theuh pek an lo ni tawh a,Vawk Note hi atahtawlin sem zel tum a ni.