Vawiin khan I&PR Conference Hall, Mamit-ah Chief Medical Officer Mamit leh Unicef tangkawpin Mamit District chhunga nu leh naute hriselna chungchang zirho a ni a, Pi Lalbiaksangi District Bawrhsap chuan khuallian niin a hmanpui.

Vawiin Workshop hmanpuitu Pi Lalbiaksangi, District Bawrhsap chuan thu sawiin, khawvel thang zelah hian intuaithar reng ngai kan ni a. Sub-Centre te, Anganwady leh Primary School te hi inngheng reng an nih thu sawiin kalkhawmte chu an thawhna hmun theuhah tha tak leh rinawm taka thawk a, he workshop-ah hian an hriat lohte zawt hreh lova hlawk taka hmang turin a chah a ni.

Pi Hmingthanmawii, Chief Medical Officer (CMO) Mamit pawhin thu sawiin, Workshop an neih chu hlawkpui theuh tur leh he workshop a telte chu an ngaihtuahna thuk taka seng a, midangte tana malsawmna ni turin a chah a. Midangte nunna chhanhimsaktu an nihna chu inhrereng a, thil hriat loh an neihte hria anga awm lova zawt hreh lo turin a chah bawk.

He Workshop-ah hian Dr. Sonal Dayama, Child Health Consultant, Unicef, Dr. Anil MH , State Consultant, Unicef, Dr. Vaibhavrao Patil, State Consultant, Unicef, Dr. PC Lalhmingliana, SMO Mamit leh Dr. Lalremsanga, Gynaecologist, District Hospital Mamit te’n zirtirna pein Mamit District chhunga PHC leh Sub-Centre lama thawktute bakah District Hospital lama thawktute an tel tha hle a ni.