4869/2024-2025

Dated; Mamit the 28th of March, 2025 : Tukin zing dar 7 khan District Hub for Empowerment of Women, Women and Child Development Department Mamit District bultumin ‘One Nation One Helpline Vehicle Rally’ neih a ni a, Pi Zoramthangi Chhangte, Director, Women & Child Development chuan Rally-a chhuakte SP Office kawt, Mamit- atangin a vai liam.

Rally pual hun tawi hmanah Pi Zoramthangi Chhangte, Director, Women & Child Development chuan 181-Women Helpline, 1098-Child Helpline te hrilhfiahin heng emergency helpline hrang hrang te hi a inthlunzawm vek tawha kan hman tangkai a pawimawh zia a sawi a ni.

Pu Lalpianthanga, MPS, Addl. SP, Mamit, pawhin Emergency number 112 chungchang sawiin, tunlai khawvel changkanna-in a ken tel helpline-te hman tangkaina chang kan hriat a tul thu a sawi bawk a ni.

Hun hi Pi Flora Laltanpuii, Deputy Director, Women & Child Development chuan a kaihruai a ni.

Pi Zoramthangi Chhangte, Director, Women & Child Development-hian Mamit-a Women & Child Development hnuaia awm One Stop Centre, Observation Home leh Shakti Sadhan bakah Home hrang hrang te a tlawh a, W. Phaileng a Department hmun thenkhat a tlawh bawk.